لیونل میسی نے بارسلونا کے ساتھ رہنے کے اپنے فیصلے کے تین دن بعد ٹریننگ شروع کردی ہے۔ کلب نے یہ جانکاری ان کی تربیت کی تصویر سوشل میڈیا پر شیئر کرکے دی۔ پہلے دن میسی نے تنہا مشق کی۔
کورونا ٹیسٹ کی رپورٹ منفی ہونے کے بعد ہی وہ ٹیم میں شامل ہوسکیں گے۔ 33 سالہ کھلاڑی کا رونالڈ کوومین کے کوچ بننے کے بعد پہلا ٹریننگ سیشن تھا، کوومین کو گزشتہ ماہ کیو کے سیٹین کی جگہ ٹیم کا ہیڈ کوچ نامزد کیا گیا تھا۔
بائرن میونخ کے خلاف چیمپئنز لیگ میں بارسلونا کی شکست کے بعد سیٹین کو ہٹا دیا گیا تھا۔ کوومین 2022 تک بارسلونا کے کوچ رہیں گے۔
واضح رہے کہ لیونل میسی نے گزشتہ ہفتے جمعہ کو بارسلونا چھوڑنے کا فیصلہ تبدیل کیا تھا۔ انہوں نے کہا کہ میں خوش نہیں ہوں لہذا کلب چھوڑنا چاہتا تھا لیکن مجھے ایسا کرنے کی اجازت نہیں ہے۔ میں قانونی جنگ نہیں لڑنا چاہتا تھا۔ لہذا میں نے کلب میں مزید ایک سال رہنے کا فیصلہ کیا۔
پچھلے ماہ 15 اگست کو بایرن میونخ نے چیمپئنز لیگ کے کوارٹر فائنل میں بارسلونا کو 2-8 سے شکست دی تھی۔ یہ کلب کی اب تک کی سب سے بڑی شکست تھی۔ اس کے بعد ہی میسی نے بارسلونا سے الگ ہونے کا فیصلہ کیا۔
انہوں نے یہ معلومات کلب کو ایک فیکس بکے ذریعے دی تھی۔ وہ ٹیم کے پری سیزن ٹریننگ سیشن سے قبل کورونا ٹیسٹ کرانے تک نہیں پہنچ سکے تھے لیکن بارسلونا کی انتظامیہ نے ان پر یہ واضح کردیا کہ اگر وہ کلب چھوڑنا چاہتے ہیں تو انہیں پہلے 700 ملین یورو (تقریبا 6 ہزار کروڑ روپیہ) ادا کرنا پڑے گا۔
