کولکاتا کے سالٹ لیک اسٹیڈیم میں کھیلے گیے آ ئی ایس ایل20۔2019 کے 62 ویں میچ میں میزبان اٹلیٹیکو ڈی کولکاتا اور ایف سی گو اکی ٹیموں کے درمیان دلچسپ مقابلہ ہوا۔
دونوں ٹیموں نے میچ پر اپنی اپنی گرفت مضبوط کرنے کے لئے جارحانہ کھیل کا مظاہرہ کیا۔
دونوں ٹیموں کی جانب سے پے درپے حملے ہوئے۔ دونوں جانب سے سنسنی خیز مقابلہ جاری ریا۔
پہلے ہاف کے اختتام تک دونوں ٹیموں کی بھر پور کوشش کے باوجود کوئی گول نہیں ہوسکا۔
دوسرے ہاف میں میزبان ٹیم اٹلیٹیکو ڈی کولکاتا نے شاندار شروعات کرتے ہوئے کھیل کے 47 ویں منٹ پر پریتم کوٹال کے گول کی بد ولت ایک صفر کی سبقت حاصل کرلی۔
مہمان ٹیم ایف سی گوا نے ایک اسکور برابر کرنے کی بھر پور کوشش کی لیکن ناکام رہی۔
کھیل کے 88 ویں منٹ پر جیش رانا نے گول کرکے اٹلیٹیکو ڈی کولکاتا کو 0۔2گول سے آگے کردیا۔
کھیل کے اختتام تک اٹلیٹیکو ڈی کولکاتا 0۔2 کی سبقت برقراررکھتے ہوئے ایک اہم میچ میں جیت درج کی۔
اس جیت کی بد ولتاٹلیٹیکو ڈی کولکاتا 13 میچوں میں سات جیت،تین ڈرا ور تین ہار کی بد ولت 24 پوائنٹ کے ساتھ پہلی پوزیشن پر پہنچ گئی ہے جبکہ ایف سی گو ا اتنے ہی میچوں میں 24 پوائنٹ کے ساتھ دوسری پوزیشن پر کھسک آ ئی ہے۔
اس کے علاوہ بنگلورو ایف سی 13 میچوں میں 22 پوائنٹ اور اوڈیشہ ایف سی 21 پوائنٹ کے ساتھ بالترتیب تیسری اور چوتھی پوزیشن پر ہے۔
