چینئی کے جواہرلال نہرواسٹیڈیم میں کھیلے گیے آئی لیگ کے ایک اہم میچ میں ایسٹ بنگال اور چینئی سٹی ایف سی کی ٹیمیں آ منے سامنے ہوئیں۔
دونوں ٹیموں کے درمیان دلچسپ اور سنسنی خیز مقابلہ ہوا۔ دونوں جانب سے پے در پے حملے ہوئے۔
پہلے ہاف کے اختتام تک دونوں ٹیموں کے درمیان برتری کی جنگ جاری رہی لیکن گول کرنے میں کسی کو کامیابی نہیں ملی۔
دوسر ے ہاف میں ایسٹ بنگال نے جارحانہ کھیل کامظاہرہ کرتے ہوئے میچ پر اپنی گرفت مضبوط کی۔
کھیل کے 68 ویں منٹ پر ماروکوس نے گول کرکے ایسٹ بنگال کو ایک صفر کی سبقت دلائی۔
کھیل کے 77 ویں منٹ پر کولاڈو نے پنالٹی کے ذریعہ گول کرکے ایسٹ بنگال کو 0۔2 گول سے آ گےکردیا۔
میزبان ٹیم چنئی سٹی ایف سی میچ میں واپس آ نے کی بھرکوشش کی اور حریف پر پے در پے حملے کیے۔
میزبان ٹیم کی بھر پور کوشش کے باوجود ایسٹ بنگال کی دفاعی دیوار میں شگاف پڑ نہ سکی۔
ایسٹ بنگال دوصفر کی سبقت برقراررکھتے ہوئے آ ئی لیگ کے ایک اہم میچ میں جیت درج کرکے پوائنٹ ٹیبل میں پیشقدمی کی۔
اس جیت کی بدولت ایسٹ بنگال آٹھ میچوں میں 11 پوائنٹ کے ساتھ چوتھی پوزیشن پر پہنچ گئی ہے۔
اس کے علاوہ موہن بگان نو میچوں میں20 پوائنٹ کے ساتھ پہلی پوزیشن پر ہے جبکہ منرواپنجاب ایف سی14پوائنٹ اور تراؤ ایف سی14 پوائنٹ کے ساتھ بالترتیب دوسرے اور تیسرے مقام پر ہے۔
