اطلاعات کے مطابق ڈیاگو میرا ڈونا کا ان کے گھر پر ہی دل کا دورہ پڑنے سے انتقال ہو گیا۔ دو ہفتہ قبل ہی میرا ڈونا کو ہسپتال سے ڈسچارج کیا گیا تھا جہاں ان کے دماغ میں خون جمنے کی سرجری کی گئی تھی جو کامیاب رہی تھی۔
ارجنٹینا میں تین روزہ قومی سوگ کا اعلان کیا گیا ہے۔ وہیں اس عظیم کھلاڑی کو سوشل میڈیا پر خراج عقیدت پیش کیا جارہا ہے۔ فیفا نے انھیں سنہ 2001 میں برازیل کے معروف کھلاڑی پیلیے کے ساتھ کھیل کی تاریخ کے دو عظیم ترین کھلاڑیوں میں شامل کیا تھا۔
میراڈونا اپنے زمانے کے عظیم فٹبالر تھے اور ان کی کپتانی میں ارجنٹینا نے 1986 کا عالمی کپ جیتا تھا۔ اس جیت میں ان کی انفرادی کارکردگی کا زبردست عمل دخل تھا۔
