فیڈریشن آف ایشین فٹ بال (اے ایف سی) نے 2022 خاتون ایشیا کپ کی میزبانی آل انڈیا فٹ بال فیڈریشن (اے آئی ایف ایف) کے سپرد کی ہے۔ یہ فیصلہ اے ایف سی خاتون فٹ بال کمیٹی نے کیا ہے۔
اے آئی ایف ایف کے سکریٹری جنرل کوشل داس کو لکھے گئے خط میں اے ایف سی کے سکریٹری جنرل ڈیٹو ونڈسر جان نے کہا کہ کمیٹی نے خاتون ایشیا کپ کی میزبانی کا حق اے آئی ایف ایف کو دینے کا فیصلہ کیا ہے۔
اے آئی ایف ایف کے صدر پرفل پٹیل نے میزبانی کے لئے اے ایف سی کا شکریہ ادا کیا اور کہا کہ اس سے بھارت میں خواتین کے فٹ بال کو فروغ دینے میں مدد ملے گی۔
کوشل داس نے یہ بھی کہا کہ اس ٹورنامنٹ سے ملک میں خواتین کے فٹبال کی مقبولیت میں اضافہ ہوگا۔
بھارت 17 فروری سے 7 مارچ 2021 تک فیفا انڈر 17 خواتین ورلڈ کپ کی میزبانی بھی کرے گا۔
