فرانس کے دارالحکومت پیرس کے چیمپسی میں واقع بیئر بار میں فائنل میچ دیکھنے والے شائقین کو ہٹانے کے لیے پولیس نے طاقت کا استعمال کیا کیوں کہ یہاں موجود شائقین نہ تو ماسک پہنے ہوئے تھے اور نہ ہی سماجی دوری پر عمل کر رہے تھے۔ جس کے بعد پی ایس جی کے مداحوں اور پولیس کے مابین جھڑپ ہوئی۔
اس کے علاوہ مغربی پیرس میں بھی پی ایس جی نے میچ دیکھنے کے لئے ٹیم کے ہوم اسٹیڈیم پارک ڈی پریزن میں دو اسکرینیں رکھی تھیں۔ حکومت کے رہنما خطوط کے مطابق 5 ہزار شائقین کو اسٹیڈیم میں میچ دیکھنے کی اجازت دی گئی تھی تاہم بہت زیادہ ہجوم کی وجہ سے بہت سے شائقین میچ دیکھنے کے لئے نہیں آسکے۔
اس کے بعد مشتعل مداحوں نے اس کی وجہ سے چیخنا شروع کردیا۔ پولیس نے ان پر کنٹرول کرنے کے لیے آنسو گیس کا استعمال کیا۔
وسطی پیرس کے متعدد علاقوں میں پولیس شائقین کے ساتھ جھڑپیں ہوئیں۔ اس کے بعد لوگوں نے متعدد کاروں کو آگ لگا دی۔ ہنگامہ دیکھ کر پولیس نے ہجوم کو منتشر کرنے کے لئے لاٹھی چارج کیا۔ اس دوران ایک ویڈیو بھی منظر عام پر آئی ہے جس میں لوگ زیورات کی دکان لوٹتے ہوئے دکھائے گئے ہیں۔ تاہم پولیس کے پہنچنے کے بعد وہ موقع سے فرار ہوگئے۔
پولیس نے چمپئنز لیگ کے فائنل کے پیش نظر سکیورٹی کے سخت انتظامات پہلے ہی کر رکھے تھے۔
