گجرات ٹائٹنز نے پیر کو وانکھیڑے اسٹیڈیم میں ٹورنامنٹ کے چوتھے میچ میں لکھنؤ سپر جائنٹس کو 5 وکٹوں سے شکست دی. ۔تیز گیند باز محمد شامی نے ایک تیز افتتاحی اسپیل بولڈ کیا اس سے پہلے کہ راہول تیوتیا نے ناقابل شکست 40 رن بنائے گجرات ٹائٹنز نے پیر کو اپنے پہلے آئی پی ایل میچ میں لکھنؤ سپر جائنٹس کے خلاف 5 وکٹوں سے جیت درج کرائی.
ٹاس ہارنے کے بعد لکھنؤ نے پہلے بلے بازی کرتے ہوئے خراب شروعات کی۔ ٹیم نے پہلا پاور پلے مکمل ہونے سے پہلے ہی کپتان لوکیش راہل، وکٹ کیپر کوئنٹن ڈی کاک، ایون لوئس اور منیش پانڈے کی شکل میں صرف 29 رنز پر چار وکٹیں گنوا دیں۔ Lucknow scored a difficult 158 runs
تاہم ہڈا اور بدونی نے ٹیم کی واپسی کرائی۔ دونوں بلے بازوں نے پہلے کریز پر جارحانہ بلے بازی کرتے ہوئے اپنے پاؤں جمائے اور پھر اننگز کو تیز کرنے کے لیے کچھ شاندار شاٹس لگائے اور ٹیم کو 20 اوورز میں چھ وکٹ پر 158 رنز کے قابل چیلنج اسکور تک لے گئے۔
دونوں بلے بازوں نے پانچویں وکٹ کے لیے 87 رنز جوڑے۔ ہڈا نے جہاں چھ چوکوں اور دو چھکوں کی مدد سے 41 گیندوں پر 55 رنز بنائے، وہیں بدونی نے 41 گیندوں پر چار چوکوں اور تین چھکوں کی مدد سے 54 رنز بنائے۔ آخر میں کرنال پانڈیا نے 13 گیندوں میں تین چوکوں کی مدد سے 21 رنز بناکر اچھی فنشنگ کی۔
تاہم گجرات کی جانب سے گیند بازی بہت اچھی رہی۔ ٹیم کے سب سے تجربہ کار بولر محمد شامی نے ابتدائی وکٹیں لے کر لکھنؤ کو بیک فٹ پر لانے میں بڑا کردار ادا کیا۔ انہوں نے راہل، ڈی کاک اور منیش کی شکل میں چار اووروں میں 25 رنز دے کر تین وکٹ لیے۔ ورون آرون نے دو اور راشد خان نے ایک وکٹ حاصل کی۔
یواین آئی۔
