نئی دہلی: بھارت اور آسٹریلیا کے درمیان چار میچوں کی ٹیسٹ سیریز کا آغاز 9 فروری سے ہوگا۔ پہلا ٹیسٹ میچ ناگپور میں ودربھ کرکٹ ایسوسی ایشن میں کھیلا جائے گا۔ اس بارڈر گواسکر سیریز میں اسپن گیند بازوں کا غلبہ دیکھا جا سکتا ہے۔ بھارتی ٹیم کے اسٹار بلے باز وراٹ کوہلی نیٹ پر کافی پریکٹس کر رہے ہیں۔ انہوں نے طویل عرصے سے ٹیسٹ کرکٹ میں ایک بھی سنچری نہیں کھیلی ہے۔ اب کوہلی منفرد انداز میں بھرپور پریکٹس کر رہے ہیں۔ انہوں نے آخری بار سنہ 2019 میں اس فارمیٹ میں سنچری بنائی تھی۔
ناگپور میں وراٹ کوہلی کی کارکردگی پر سب کی نظریں ہوں گی۔ کوہلی نے اس میچ کے لیے نیٹ پر مختلف انداز میں پریکٹس کی۔ کوہلی نے بائیں ہاتھ کے اسپن بولر سوربھ کمار کی گیندوں پر سوئپ اور ریورس شاٹس کی کافی مشق کی۔ آسٹریلیا کی ٹیم بھی ٹیسٹ میچ کے لیے سخت محنت کر رہی ہے۔ آسٹریلیا کی ٹیم میں ایک تجربہ کار آف اسپنر موجود ہے جو پہلے ہی ٹیم انڈیا کے بلے بازوں کے چھکے چھڑا چکے ہیں۔
وراٹ کوہلی بھی کئی بار نیتھن لیون کی بولنگ سے الجھ چکے ہیں۔ یہی نہیں نیتھن لیون نے ٹیسٹ کرکٹ کوہلی کو کئی بار آؤٹ کیا ہے۔ وہیں کنگ وراٹ کوہلی کے پاس ناگپور کرکٹ اسٹیڈیم میں اب تک کا بہترین ریکارڈ ہے۔ کوہلی نے اس گراؤنڈ پر تین میچ کھیلے ہیں جس میں انہوں نے 88.50 کی شاندار اوسط سے مجموعی طور پر 354 رنز بنائے ہیں۔ یہی نہیں کنگ کوہلی نے اس دوران دو سنچریاں بھی اسکور کی ہیں۔
مزید پڑھیں:
