چنئی: بھارت اور آسٹریلیا کے درمیان تیسرے اور آخری ون ڈے کے ٹکٹوں کی فروخت 13 مارچ سے شروع ہوگی۔ ایم اے چدمبرم اسٹیڈیم میں 22 مارچ کو ہونے والے میچ کے لیے ٹکٹوں کی آن لائن فروخت 13 مارچ سے شروع ہوگی۔ تمل ناڈو کرکٹ ایسوسی ایشن (ٹی این سی اے) نے جمعہ کو جاری کردہ ایک بیان میں کہا کہ ٹکٹ پے ٹی ایم اور انسائیڈر سے آن لائن خریدے جا سکتے ہیں۔ اس کے علاوہ 18 مارچ سے آف لائن ٹکٹ عوام کے لیے دستیاب کرائے جائیں گے جو اسٹیڈیم کے باہر موجود کاؤنٹر سے خریدے جاسکتے ہیں۔ ٹی این سی اے نے جسمانی طور پر معذور افراد کے لیے I لوئر اسٹینڈ میں نشستوں کا انتظام کیا ہے، جنہیں اپنی نشستوں تک پہنچنے کے لیے وہیل چیئر تک رسائی حاصل ہوگی۔
یہ بھی پڑھیں: Glenn Maxwell And Mitchell Marsh میکسویل، مارش کی ہندستان دورہ پر ون ڈے ٹیم میں واپسی
چیف منسٹر ایم کے اسٹالن کرکٹ میچ کے دوران دو نئے اسٹینڈز کی نقاب کشائی کریں گے۔ دوسری جانب انڈین پریمیئر لیگ (آئی پی ایل) کی تیاریوں میں مصروف بھارتی ٹیم کے سابق کپتان اور چنئی سپر کنگز کے کپتان مہندر سنگھ دھونی کو بھارت آسٹریلیا ون ڈے میں تماشائی کے طور پر دیکھا جا سکتا ہے۔ چنئی تقریباً تین سال بعد ایک روزہ بین الاقوامی میچ کی میزبانی کر رہا ہے۔ واضح رہے کہ بھارت اور آسٹریلیا کے درمیان تین ون ڈے میچوں کی سیریز کا آغاز 17 مارچ سے ہو رہا ہے۔ دونوں ٹیموں کے درمیان پہلا ون ڈے 17 مارچ کو ممبئی میں، دوسرا ون ڈے 19 مارچ کو وشاکھاپٹنم میں اور تیسرا ون ڈے 22 مارچ کو چنئی میں کھیلا جائے گا۔
یو این آئی
