گیلونگ: سری لنکا نے بدھ کے روز کوسل مینڈس (79) اور وینندو ہسرنگا (28/3) کی بدولت نیدرلینڈ کو 16 رنز سے شکست دے کر آئی سی سی ٹی 20 ورلڈ کپ 2022 کے سپر-12 راؤنڈ میں جگہ حاصل کرلی۔ گروپ اے کے اپنے آخری میچ میں سری لنکا نے ہالینڈ کو 163 رنز کا ہدف دیا۔ جس کے جواب میں ہالینڈ کی ٹیم نو وکٹوں کے نقصان پر 146 رنز ہی بنا سکی۔ Sri Lanka reach Super-12 after defeating Netherlands by 16 runs
ہدف کے تعاقب میں نیدرلینڈز نے 18 اوورز میں 124 رنز پر نو وکٹیں گنوا دیں، حالانکہ اوپنر میکس اوڈوڈ کریز پر موجود تھے۔ اوڈوڈ نے 19ویں اوور میں دو چھکوں کی مدد سے 16 رنز بنائے، حالانکہ وہ آخری اوور میں صرف چھ رنز کا اضافہ کر سکے تھے اور ہالینڈ کی ٹیم ہدف سے 16 رنز پیچھے رہ گئی۔
اس سے قبل مینڈس نے 44 گیندوں میں پانچ چوکوں اور پانچ چھکوں کی مدد سے 79 رنز بنا کر سری لنکا کی فتح کی بنیاد رکھی۔ اس کے علاوہ چاریتا اسلانکا (31)، بھانوکا راجا پاکسے (19) اور پاتھم نسانکا (14) نے بھی اہم شراکت میں اپنا کردار ادا کیا۔
ٹاس جیت کر پہلے بیٹنگ کرتے ہوئے سری لنکا نے سست آغاز کے بعد آخری میچ کے ہیرو پاتھم نسانکا کو 14 (21) رنز پر کھو دیا۔ وان میکرن (25/2) نے اگلی ہی گیند پر دھنجے ڈی سلوا کو صفر پر پویلین بھیج دیا۔
اسلانکا نے مینڈس کے ساتھ مل کر سری لنکا کی اننگز کو سہارا دیا اور تیسری وکٹ کے لیے 60 رنز کی شراکت داری کی۔ تجربہ کار گیند باز باس ڈی لیڈ (31/2) نے اسلانکا کو آؤٹ کرکے شراکت توڑ دی۔ مینڈس نے اس کے بعد اننگز کی رفتار کو تبدیل کیا اور اپنی نصف سنچری مکمل کرتے ہوئے ٹیم کو 150 رنز تک پہنچا دیا۔
سری لنکا نے مینڈس کی شاندار بلے بازی کی بدولت آخری پانچ اوورز میں 53 رنز جوڑے۔ سری لنکا نے آخری اوور میں مینڈس کے آؤٹ ہونے کے ساتھ 20 اوورز میں 162/6 بنائے۔ نیدرلینڈز کی جانب سے ٹم گٹن اور فریڈ کلاسن نے بھی ایک ایک وکٹ حاصل کی۔
مزید پڑھیں:
یو این آئی
