نئی دہلی: نیوزی لینڈ کے خلاف حیدرآباد میں نوجوان اوپنر شبمن گل نے شاندار بلے بازی کرتے ہوئے ڈبل سنچری اسکور کی۔ شمبن گل کی 208 رنز کی بدولت ٹیم انڈیا نے تین میچوں کی ون ڈے سیریز کے پہلے میچ میں نیوزی لینڈ کو 12 رنز سے شکست دے دی۔ اس میچ میں گیل کو مین آف دا میچ منتخب کیا گیا۔ شبمن گل کے ڈبل سنچری کے بعد ان کا ایک ویڈیو سوشل میڈیا پر کافی ٹرینڈ کر رہا ہے۔ ویڈیو میں گل فلڈنگ کرتے ہوئے نظر آ رہے ہیں اور شایقئن انہیں سارا سارا کہہ کر پکار رہے ہیں۔ گل ڈبل سنچری بنانے کے بعد سوشل میڈیا سے لے کر کھیلوں کی دنیا تک ہر جگہ سرخیوں میں ہیں۔
ویڈیو کے تعلق سے کہاجارہا ہے کہ یہ سری لنکا کے خلاف کھیلے گئے آخری ون ڈے کا ہے۔ انسٹاگرام پر وائرل ویڈیو اس وقت کا جب شبمن گل باؤنڈری پر فیلڈنگ کر رہے تھے، تبھی اسٹینڈ پر بیٹھے شائقین انہیں 'سارا سارا' کہہ کر پکار نے لگے۔ اس ویڈیو کے حوالے سے گل نے ابھی تک کوئی ردعمل نہیں دیا ہے۔
مداح اب سارہ کے بارے میں الجھن کا شکار ہیں کہ یہ سارہ کون ہے؟ مداح یہ سمجھنے سے قاصر ہیں کہ وہ بالی ووڈ اداکارہ سارہ علی خان کی بات کر رہے ہیں یا سچن ٹنڈولکر کی بیٹی سارہ ٹنڈولکر کی؟ اس سے قبل شبمن گل کا نام دونوں ساراؤں کے ساتھ مختلف مواقع پر جوڑا جا چکا ہے۔ اس کے ساتھ ہی گل کئی بار سارہ علی خان کے ساتھ بھی نظر آ چکے ہیں۔ اس سے قبل بھی کچھ ایسی تصاویر اور ویڈیو وائرل ہوئی تھیں، جن میں گل اور سارہ علی خان ایک ساتھ نظر آئے تھے۔ آپ کو بتادیں کہ ایک ویڈیو فلائٹ سے بھی وائرل ہواتھا، جس میں دونوں ایک ساتھ نظر آئے تھے۔ اس کے علاوہ گل اور سارہ علی خان کو ایئرپورٹ میں ایک ساتھ دیکھا جا چکا ہے۔
مزید پڑھیں:
