احمد آباد: بھارتی بلے باز شریس ایر کمر کی چوٹ کی وجہ سے آسٹریلیا کے خلاف 17 مارچ سے شروع ہونے والی ون ڈے سیریز سے باہر ہو سکتے ہیں۔ کرک بز نے اتوار کو بی سی سی آئی کے ذرائع کے حوالے سے یہ معلومات دی۔ شریس ایر کو کمر کی تکلیف کی وجہ سے ہفتہ کو جانچ کے لیے بھیجا گیا تھا۔ اس پریشانی کی وجہ سے وہ یہاں آسٹریلیا کے خلاف چوتھے ٹیسٹ کی پہلی اننگز میں بیٹنگ کے لیے بھی نہیں اتر سکے تھے۔ کرک بز کی رپورٹ کے مطابق، ائیر کی ابتدائی کی ٹیسٹ تسلی بخش نہیں ہے۔ انہیں ماہر ڈاکٹر سے مشورہ کرنا ہوگا اور مزید ٹیسٹ کروانے ہوں گے۔ ایّر اس ماہ کے آخر میں شروع ہونے والی انڈین پریمیئر لیگ (آئی پی ایل) میں کھیلیں گے یا نہیں، اس بارے میں فیصلہ آنے والی جانچ رپورٹ کے بعد ہی کیا جائے گا۔
قومی سلیکٹرز ایر کی حالت کے بارے میں مطلع کر دیا گیا ہے۔ امکان ہے کہ سلیکٹرز پیر کو ٹیسٹ سیریز ختم ہونے کے بعد ہونے والی میٹنگ میں ایر کے متبادل کے بارے میں فیصلہ کریں گے۔ واضح رہے کہ شریس ایر کمر کی تکلیف کی وجہ سے جنوری میں نیوزی لینڈ کے خلاف ون ڈے سیریز سے بھی باہر ہو گئے تھے۔ بھارت اور آسٹریلیا کے درمیان ون ڈے سیریز 17 مارچ سے شروع ہو رہی ہے۔ سیریز کا پہلا میچ جمعہ کو وانکھیڑے میں کھیلا جائے گا۔ اس کے ساتھ ہی دوسرا میچ 19 مارچ کو وشاکھاپٹنم میں کھیلا جائے گا۔ تیسرا اور آخری میچ 22 مارچ کو چنئی میں ہوگا۔ تینوں ون ڈے بھارتی وقت کے مطابق دوپہر ایک بجکر 30 منٹ سے کھیلے جائیں گے۔
یہ بھی پڑھیں: Jhye Richardson Injured رچرڈسن بھارت کے خلاف ون ڈے سیریز سے باہر، ایلس ٹیم میں شامل
یو این آئی
