کراچی:پاکستان کرکٹ ٹیم کے سابق کپتان اور بہترین آل راونڈر شاہد آفریدی نے کہا ہے کہ کرکٹ ہی پاکستان اور ہندوستان کے درمیان تعلقات بہتر بنا سکتا ہے، اسپورٹس ڈپلومیسی سے بہتر کوئی چیز نہیں۔
تفصیلات کے مطابق سابق کپتان شاہد آفریدی نے وائس آف امریکہ اردو کو انٹریو دیتے ہوئے کرکٹ کے حوالے سے پاک انڈیا تعلقات پر تبصرہ کرتے ہوئے کہا کہ پڑوسیوں کا حق ہے کہ ایک دوسرے کا خیال کریں۔
انھوں نے کہا پاکستان نے ہمیشہ بڑے پن کا مظاہرہ کیا ہے، پاک ٹیم کو ورلڈ کپ کے لیے بھارت بھیجنے کا فیصلہ خوش آئند ہے، یہ کرکٹ ہی ہے جو دونوں ممالک کے تعلقات بہتر بنا سکتی ہے۔
تاہم دوسری جانب ہندوستان نے ورلڈ کپ میں پاکستان کرکٹ ٹیم کو خصوصی سیکیورٹی دینے سے انکار کر دیا ہے۔اس پر سوال اٹھ سکتا ہے۔لیکن کچھ کیا نہیں جا سکتا ہے۔ہم صرف مطالبہ کر سکتے ہیں۔بھارت کی حکومت کو پاکستانی ٹیم کا خیال رکھنا لازمی ہے کیونکہ سیکیورٹی کا مسئلہ ہو سکتا ہے۔
یہ بھی پڑھیں:Bangladesh Cricket Board بنگلہ دیش نے تنزید اور شمیم کو ایشیا کپ کے لیے بلایا
ہندوستانی وزارت خارجہ کے ترجمان کا کہنا تھا کہ پاکستان کے ساتھ خصوصی برتاؤ نہیں کیا جائے گا، میگا ایونٹ میں پاکستان کو وہی سہولتیں دی جائیں گی جو دوسرے ملکوں کی ٹیموں کو حاصل ہوں گی۔
یو این آئی
