پورٹ آف اسپین: اگلے ماہ آسٹریلیا دورے پر دو ٹیسٹ میچوں کی سیریز میں سات کھلاڑی پہلی بار ویسٹ انڈیز کی قومی ٹیم کے لیے کھیلیں گے۔ویسٹ انڈیز کے سلیکٹرز کی جانب سے اعلان کردہ 15 رکنی ٹیم میں بلے باز زچری میک کاکی، وکٹ کیپر ٹیون املاچ، آل راؤنڈر جسٹن گریوز، کیویم ہوج اور کیون سنکلیئر کے علاوہ فاسٹ بالر اکیم جارڈن اور شمر جوزف پہلی بار قومی ٹیم کے لیے کھیلنے والوں میں شامل ہیں۔
رپورٹس کے مطابق فاسٹ بالر جیڈن سیلز بھی کندھے کی انجری کے باعث ٹیم سے باہر ہیں جب کہ جیسن ہولڈر کی طرح آل راؤنڈر کائل میئرز نے ٹی ٹوئنٹی کھیلنے کے لیے ٹور سے باہر رہنے کا متبادل کا انتخاب کیا ہے۔ ان سات کھلاڑیوں میں سے زیادہ تر ویسٹ انڈیز اے ٹیم کے لیے کھیل چکے ہیں۔ یہ سیریز 17 جنوری سے شروع ہوگی۔
یہ بھی پڑھیں:year ender 2023 سال 2023 کو ایشین گیمز میں بھارت کی کامیابیوں کے لیے یاد کیا جائے گا
آسٹریلیا کے خلاف ٹیسٹ سیریز کے لیے ویسٹ انڈیز ٹیم اس طرح ہے:
کریگ براتھویٹ (کپتان)، الزاری جوزف (نائب کپتان)، تیج نرائن چندر پال، کرک میک کینزی، ایلک ایتھانیس، کیویم ہوج، جسٹن گریوز، جوشوا ڈی سلوا، اکیم جارڈن، گڈاکیش موتی، کیمار روچ، کیون سنکلیئر، ٹیون املاچ، شمر جوزف اور زچری میک کاسکی۔
یو این آئی
