پاکستان کے عبوری ہیڈ کوچ ثقلین مشتاق نے کہا ہے کہ 'اگر بھارت کے ساتھ ان کا دوبارہ مقابلہ ہوتا ہے تو یہ شاندار بات ہوگی۔ ان کاخیال ہے کہ یہ دونوں پڑوسی ممالک جتنا ایک دوسرے کے خلاف کھیلیں گے ان کے باہمی رشتے اتنا ہی زیادہ بہتر ہوں گے۔'
پاکستان نے اپنی مہم کا آغاز بھارت کو 10 وکٹ سے شکست دے کر دھماکہ دار فتح کے ساتھ کیا تھا۔ اس سے پہلے ٹی 20 عالمی کپ میں کبھی بھی پاکستان نے بھارت کو شکست نہیں دی تھی جب کہ دونوں کی ٹکر پانچ مرتبہ ہوئی تھی۔
اسی طرح سات بار ونڈے عالمی کپ میں بھی پاکستان نے آج تک بھارت کو شکست نہیں دیا۔ بھارت کو شکست دینے کے بعد پاکستان نے اپنے دوسرے مقابلے میں نیوزی لینڈ کو بھی پانچ وکٹ سے مات دی۔ گروپ2 میں اس وقت پاکستان نمبر ون پر قائم ہے اور سیمی فائنل میں جگہ بنانے کا وہ مضبوط دعویدار ہے۔ جمعہ کو پاکستان کا سامنا افغانستان سے اور پھر انہیں نامیبیا اور اسکاٹ لینڈ کے خلاف کھیلنا ہے۔
ثقلین مشراق نے کہا کہ اگر فائنل میں ہمارے سامنے ہندستان آتا ہے تو یہ ایک شاندار بات ہوگی۔ ایسا اس لیے نہیں کہ ہم نے انہیں شکست دی ہے بلکہ اس لیے کہ وہ ایک مضبوط ٹیم ہے۔ سبھی انہیں چمپئن بننے کا دعویدار بتارہے ہیں۔
یہ بھی پڑھیں: اینکر سے تنازع کے بعد لائیو پروگرام سے باہر گئے شعیب اختر
ان کے ساتھ ساتھ آسٹریلیا اور انگلینڈ کی ٹیم بھی ہمیشہ سخت ٹکر دیتی ہے۔ اگر فائنل میں ہندوستان اور پاکستان کا ایک بار پھر سامنا ہوتا ہے تو کرکٹ فینس کے لیے یہ بہترین موقع ہوگا۔ ہندوستان ہمارا پڑوسی ملک ہے اور ان کے خلاف میچ ہونے سے ہمارے باہمی تعلقات بھی بہتر ہوتے ہیں۔
(یو این آئی)
