ممبئی: راجستھان رائلز نے انڈین پریمیئر لیگ (آئی پی ایل) کے 16ویں سیزن کے لیے زخمی کرشنا کی جگہ سندیپ شرما کو ٹیم میں شامل کیا ہے۔ انڈین پریمیئر لیگ نے پیر کو یہ اطلاع دی۔ اہم بات یہ ہے کہ نوجوان تیز گیند باز کرشنا گزشتہ سال کمر میں اسٹریس فریکچر کی وجہ سے کرکٹ سے دور ہو گئے تھے۔ حال ہی میں ان کی کمر کی سرجری ہوئی تھی جس کے بعد وہ آئی پی ایل سے باہر ہوگئے تھے۔ راجستھان رائلز نے سندیپ کو کرشنا کے متبادل کے طور پر 50 لاکھ روپے کی بنیادی قیمت پر خریدا ہے۔ آئی پی ایل کے سب سے سینئر گیند بازوں میں سے ایک سندیپ نے ٹورنامنٹ میں 100 سے زیادہ وکٹیں حاصل کی ہیں۔ سندیپ نے آئی پی ایل میں کل سات بار وراٹ کوہلی کو آؤٹ کیا جو کہ ایک مشترکہ ریکارڈ ہے۔ ان سات میں سے چار بار وہ پاور پلے میں ہی کوہلی کو آؤٹ کر چکے ہیں۔
دریں اثنا، بی سی سی آئی نے انگلینڈ کے وکٹ کیپر بلے باز جونی بیرسٹو کو آئی پی ایل 2023 سے خارج کرنے کی تصدیق کی۔ پنجاب کنگز نے ایڑی کی چوٹ سے صحت یاب ہونے والے بیرسٹو کی جگہ آسٹریلوی بلے باز میتھیو شارٹ کو 20 لاکھ روپے میں ٹیم میں شامل کیا ہے۔ یہ شارٹ کا پہلا آئی پی ایل سیزن ہوگا۔ اوپننگ بلے باز شارٹ کو بگ بیش لیگ کے حالیہ ایڈیشن میں اپنے آف اسپن سے 458 رنز بنانے اور 11 وکٹیں لینے پر ٹورنامنٹ کا بہترین کھلاڑی قرار دیا گیا۔
یہ بھی پڑھیں: Kolkata Knight Riders New Captain کے کے آر نے کپتان کے نام کا اعلان کیا، نتیش رانا ہوں گے نئے کپتان
یو این آئی
