ممبئی: بھارتی مرد کرکٹ ٹیم کے ہیڈ کوچ راہل دراوڈ ایشیا کپ 2022 کے لیے متحدہ عرب امارات (یو اے ای) جانے سے قبل معمول کے ٹیسٹ میں کورونا وائرس سے متاثر پائے گئے ہیں۔ بورڈ آف کنٹرول فار کرکٹ ان انڈیا (بی سی سی آئی) نے منگل کو یہ اطلاع دی۔ بی سی سی آئی نے کہاکہ کوچ دراوڈ اس وقت میڈیکل ٹیم کی نگرانی میں ہیں۔ وہ کورونا سے صحت یاب ہونے کے بعد ٹیم میں شامل ہوں گے۔ ٹیم کے دیگر کھلاڑی آج 23 اگست کو متحدہ عرب امارات میں جمع ہوں گے۔ BCCI confirmed Rahul Dravid Tests Positive
بی سی سی آئی نے دراوڈ کی غیر موجودگی میں کسی عارضی ہیڈ کوچ کا اعلان نہیں کیا ہے، حالانکہ توقع ہے کہ لکشمن اس دوران بھارتی ٹیم کی قیادت کریں گے۔ لکشمن نے پیر کو ختم ہونے والے زمبابوے کے دورے پر بھی بھارتی ٹیم کے کوچ کا کردار ادا کیا تھا۔ اس سے قبل وہ آئرلینڈ کے خلاف دو میچوں کی ٹی20 سیریز میں بھی بھارت کی قیادت کر چکے ہیں۔ ایشیا کپ میں بھارت اپنی مہم کا آغاز 28 اگست کو پاکستان کے خلاف کرے گا۔
مزید پڑھیں:
- آفریدی کا ایشیا کپ سے باہر ہونا پاکستان کے لیے بڑا دھچکا، انضمام الحق
- ایشیا کپ میں معجزے کی امید نہ رکھیں، شکیب
یو این آئی
