ویسٹ انڈیز کے اینٹیگا کے نارتھ گراؤنڈ سر ویوین رچرڈز اسٹیڈیم میں بھارت نے انگلینڈ کو شکست دے کر ریکارڈ پانچویں مرتبہ انڈر 19 ورلڈ کپ کا خطاب جیت لیا۔ India wins U19 World Cup for fifth time
اس موقع پر بی سی سی آئی نے بھارتی ٹیم کے ہر رکن کے لیے 40 لاکھ روپے اور معاون عملے کے لیے 25 لاکھ روپے انعام کا اعلان کیا ہے۔
وہیں وزیر اعظم نریندر مودی نے ٹوئٹ کر کے کھلاڑیوں کو بہترین کارکردگی پر مبارکباد دی ہے۔ PM Modi congratulates India U19 Team
ٹوئٹ کرتے ہوئے پی ایم مودی نے لکھا کہ 'ہمیں اپنے نوجوان کرکٹرز پر فخر ہے۔ آئی سی سی انڈر 19 ورلڈ کپ جیتنے پر بھارتی ٹیم کو مبارکباد۔ اعلیٰ سطح پر ان کی شاندار کارکردگی ظاہر کرتی ہے کہ بھارتی کرکٹ کا مستقبل محفوظ ہاتھوں میں ہے۔' PM Modi On India U19 Team
فائنل میچ میں بھارت کی جیت کے بعد بی سی سی آئی کے سکریٹری جے شاہ نے ٹویٹ کیا 'انڈر-19 ورلڈ کپ میں شاندار کارکردگی کا مظاہرہ کرنے والے ممبران کو بی سی سی آئی 40-40 لاکھ روپے نقد انعام اور سپورٹ سٹاف کو 25-25 لاکھ روپے دے گی۔'
یہ بھی پڑھیں: ICC U19 World Cup 2022 Final: بھارت پانچویں بار بنا چیمپئن
آپ کو بتا دیں کہ بھارت نے آئی سی سی انڈر 19 ورلڈ کپ 2022 کے فائنل میں انگلینڈ کو چار وکٹوں سے شکست دے کر پانچویں بار ٹائٹل اپنے نام کر لیا۔ اس سے قبل ٹیم انڈیا سال 2000، 2008، 2012 اور 2018 میں ورلڈ کپ جیت چکی ہے۔ India U19 Beat England in Final
