دبئی:انٹرنیشنل کرکٹ کونسل (آئی سی سی ) نے کھلاڑیوں کی ٹیسٹ رینکنگ جاری کردی۔ورلڈ ٹیسٹ چمپئن شپ کے فائنل سے قبل آئی سی سی کی آخری ٹیسٹ درجہ بندی ہے۔آئی سی سی کی تازہ ترین ٹیسٹ درجہ بندی میں آسٹریلیائی اور نیوزی لینڈ کے کرکٹرز کا جاراداری ہے۔
ذرائع کے مطابق آئی سی سی کی ٹیسٹ رینکنگ کےمطابق آسٹریلیا کے مارنوس لبوشین کا 915 پوائنٹس کےساتھ پہلا نمبربرقرار ہے۔نیوزی لینڈ کےکین ولیمسن دوسرے اور آسٹریلیا کےاسٹیو اسمتھ کی تیسری پوزیشن ہے جب کہ اس رینکنگ میں پاکستان ٹیم کےکپتان بابراعظم ایک درجہ ترقی کے بعد چوتھےنمبر پر آگئے ہیں۔
اس کے علاوہ انگلینڈکے ہیری بروک ایک درجے ترقی کے بعد 18 ویں اور انگلینڈکے اولی پوپ 11 درجے ترقی کے بعد 23 ویں نمبر پر آگئے ہیں۔رشبھ پنت بھارت کے واحد کرکٹر ہیں جنہیں آئی سی سی ٹیسٹ رینکنگ میں جگہ ملی ہے۔ رشبھ پنت 766 پوائنٹ کے ساتھ دسویں پوزیشن پر ہیں.
دوسری طرف بھارت کے پاس ٹیسٹ رینکنگ میں اپنی برتری کو برقرار رکھنے کا سنہرا موقع ہے۔اس کے لئے اسے ورلڈ ٹیسٹ چمپئن شپ کا خطاب پر قبضہ کرنا پڑے گا۔بھارت اس وقت 52 میچوں میں 13889 پوائنٹ اور 267 ریٹنگ کے ساتھ پہلی پوزیشن پر ہے۔غور طلب ہے بھارت نے اپنا آخری آئی سی سی ٹائٹل 2013 میں چیمپئنز ٹرافی کی شکل میں جیتا تھا۔ اس سے پہلے بھارت نے 2011 میں ون ڈے ورلڈ کپ اور 2007 میں ٹی ٹوئنٹی ورلڈ کپ بھی اپنی سرزمین پر جیتا تھا۔
یہ بھی پڑھیں:Indian Cricket Team: بھارتی ٹیم سیاہ پٹی باندھ کر میدان میں اتری
طویل عرصے سے بین الاقوامی کرکٹ میں اپنی بالادستی برقرار رکھنے والی بھارتی ٹیم پچھلی دہائی میں کوئی بھی آئی سی سی ٹرافی نہیں جیت سکی ہے۔ روہت شرما کی ٹیم جب بدھ کو لندن کے اوول میں آسٹریلیا سے مقابلہ کرنے اترے گی تو اس کے پاس اس خشک سالی کو ختم کرنے کا موقع ہو گا۔
یو این آئی
