شعیب اختر کا آسٹریلیا کے شہر میلبورن میں گھٹنے کا آپریشن ہو ا، جس کے بعد انہوں نے اپنے مداحوں سے دعاؤں کی اپیل کی ہے۔
اس سے قبل شعیب اختر کے بائیں پیر کے گھٹنے کا آپریشن ہوچکا ہے جس کے بعد آج ان کے دائیں گھٹنے کا آپریشن کیا گیا۔
آپریشن کے بعد شعیب اختر نے کہا کہ ان کا آپریشن بالکل صحیح اور کامیاب ہوا ہے، تھوڑی تکلیف محسوس کررہا ہوں، جلد صحت یاب ہو جاؤں گا۔
شعیب اختر کا کہنا ہے کہ اس بار انہیں مکمل طور پر چلنے میں 2 سے 3 ہفتے لگیں گے۔ انہوں نے اپنے چاہنے والوں سے دعاؤں کی درخواست بھی کی ہے۔
