نئی دہلی: پاکستان کرکٹ بورڈ بھارت میں ہونے والے ون ڈے ورلڈ کپ 2023 کے دوران چنئی میں افغانستان اور بنگلورو میں آسٹریلیا کے خلاف کھیلنے پر اعتراض کیا ہے۔ ایشیا کپ کے انعقاد پر تعطل ختم ہو گیا ہے اور پاکستان کا اکتوبر نومبر میں ہونے والے ورلڈ کپ کے لیے بھارت کا دورہ متوقع ہے۔ بھارت اور پاکستان کے درمیان 15 اکتوبر کو احمد آباد میں میچ متوقع ہے۔ ورلڈ کپ کے شیڈول کا اعلان کرنے سے قبل انٹرنیشنل کرکٹ کونسل نے پی سی بی سمیت تمام ممبر بورڈز سے مجوزہ شیڈول پر تجاویز طلب کی تھی۔
-
No changes are made as far as the venues are concerned unless there is a strong enough reason in the World Cup. [PTI - Talking about Pakistan needs a venue change for Afghanistan & Australia match] pic.twitter.com/xOyItipfbc
— Johns. (@CricCrazyJohns) June 19, 2023 " class="align-text-top noRightClick twitterSection" data="
">No changes are made as far as the venues are concerned unless there is a strong enough reason in the World Cup. [PTI - Talking about Pakistan needs a venue change for Afghanistan & Australia match] pic.twitter.com/xOyItipfbc
— Johns. (@CricCrazyJohns) June 19, 2023No changes are made as far as the venues are concerned unless there is a strong enough reason in the World Cup. [PTI - Talking about Pakistan needs a venue change for Afghanistan & Australia match] pic.twitter.com/xOyItipfbc
— Johns. (@CricCrazyJohns) June 19, 2023
پی سی بی کے مطابق بورڈ کے شماریات، تجزیہ کار اور ٹیم کی حکمت عملی کے ماہر کو ان مقامات کی منظوری دینے کا کام سونپا گیا ہے جہاں آئی سی سی اور بی سی سی آئی نے 50 اوور کے پروقار ٹورنامنٹ کے دوران پاکستان کے میچوں کا عارضی شیڈول تیار کیا ہے۔ اطلاعات کے مطابق پی سی بی نے ٹیم کا عارضی شیڈول سلیکٹرز کو بھجوا دیا ہے جو پاکستانی ٹیم کے کچھ میچوں کے شیڈول اور مقام سے مطمئن نہیں ہیں۔ اس میں پاکستان کو افغانستان کے ساتھ چنئی میں اور آسٹریلیا کے ساتھ بنگلورو میں کھیلنے پر اعتراض ہے۔ چنئی کی اسپن پچ پر افغانستان کو کھیلنے کا مطلب ہے کہ پاکستان کو راشد خان اور نور احمد جیسے اسپنرز کا سامنا کرنا پڑے گا۔ جنہوں نے انڈین پریمیئر لیگ 2023 میں گجرات ٹائٹنز کے لیے بہترین کارکردگی کا مظاہرہ کیا۔
یہ بھی پڑھیں: Asia Cup 2023 ایشیا کپ کا شیڈول طے، پاکستان میں 4 میچز کھیلے جائیں گے
بنگلور کی پچ عام طور پر بیٹنگ کے لیے جانا جاتا ہے اور یہ سمجھنا مشکل ہے کہ پاکستان کو چنا سوامی اسٹیڈیم میں آسٹریلیا سے کھیلنے پر اعتراض کیوں ہے۔ پی سی بی کے ذرائع نے بتایا کہ 'بورڈ کا مشورہ ہے کہ آئی سی سی/بی سی سی آئی سے کہا جائے کہ وہ پاکستان کے میچوں کو ری شیڈول کرے اور افغانستان کے ساتھ بنگلورو میں اور آسٹریلیا کے ساتھ چنئی میں میچ رکھا جائے۔ بی سی سی آئی کے ایک ذرائع نے کہا کہ آئی سی سی کے ممبران سے شیڈول پر تجاویز طلب کرنا پروٹوکول کا حصہ ہے اور مقام کی تبدیلی کے لیے کوئی ٹھوس وجہ ہونی چاہیے۔ ممبر بورڈ سیکیورٹی وجوہات کی بنا پر وینیو کی تبدیلی کا کہہ سکتے ہیں جیسا کہ پاکستان نے 2016 میں کیا تھا جب وہ ٹی ٹوئنٹی ورلڈ کپ کے لیے بھارت آیا تھا۔
