New Chief Selector of Pak Cricket Team پی سی بی نے ہارون رشید کو قومی کرکٹ ٹیم کا چیف سلیکٹر مقرر کیا

پاکستان کرکٹ بورڈ (پی سی بی) کی مینجمنٹ کمیٹی کے چیئرمین نجم سیٹھی نے ہارون رشید کو قومی کرکٹ ٹیم کا چیف سلیکٹر مقرر کر دیا ہے۔ ہارون کو پاکستان کے لیے 23 ٹیسٹ اور 12 ون ڈے کھیلنے کا اعزاز حاصل ہے۔

اسلام آباد: اسلام آباد میں پریس کانفرنس کرتے ہوئے پی سی بی مینجمنٹ کمیٹی چیئرمین نجم سیٹھی نے کہا کہ ہارون رشید کو چیف سلیکٹر مقرر کر دیا گیا ہے اور ان کے ساتھ میں نے کئی برس کام بھی کیا ہے۔ ان کا کہنا تھا کہ یہ اعلان اس لیے کیا کیونکہ بہت افواہیں چل رہی تھیں اور ہر امیدوار کی پروموشنز ہو رہی تھی حالانکہ ہمارے پاس وقت تھا لیکن بڑا دباؤ تھا۔ انہوں نے کہا کہ ابھی صرف چیف سلیکٹر کی تقرری ہوئی ہے لیکن اب آرام سے مشاورت کے بعد دیگر اراکین کو شامل کریں گے۔

• Haroon Rashid appointed Chair of the men’s National Selection Committee, while other members of the panel will be announced in due course.
  
  Read more ➡️ https://t.co/vLNjlwpCzW
  
  Press conference ➡️ https://t.co/8gXb9I3gzy pic.twitter.com/md9keo4fxp

  — Pakistan Cricket (@TheRealPCB) January 23, 2023 " class="align-text-top noRightClick twitterSection" data="

  Haroon Rashid appointed Chair of the men’s National Selection Committee, while other members of the panel will be announced in due course.
  
  Read more ➡️ https://t.co/vLNjlwpCzW
  
  Press conference ➡️ https://t.co/8gXb9I3gzy pic.twitter.com/md9keo4fxp

  — Pakistan Cricket (@TheRealPCB) January 23, 2023

  ">

  Haroon Rashid appointed Chair of the men’s National Selection Committee, while other members of the panel will be announced in due course.
  
  Read more ➡️ https://t.co/vLNjlwpCzW
  
  Press conference ➡️ https://t.co/8gXb9I3gzy pic.twitter.com/md9keo4fxp

  — Pakistan Cricket (@TheRealPCB) January 23, 2023

69 سالہ ہارون کو 22 دسمبر کو بورڈ کے سرپرست اعلیٰ وزیر اعظم شہباز شریف نے پی سی بی کو چلانے کے لیے 14 رکنی کرکٹ مینجمنٹ کمیٹی میں بھی نامزد کیا تھا۔سیٹھی نے کہا کہ ہارون نے اب مینجمنٹ کمیٹی سے استعفیٰ دے دیا ہے کیونکہ ہم مفادات کا ٹکراؤ نہیں چاہتے کیونکہ وہ اب چیف سلیکٹر ہیں۔ ہارون کو پاکستان کے لیے 23 ٹیسٹ اور 12 ون ڈے کھیلنے کا اعزاز حاصل ہے۔ وہ بورڈ میں کئی دوسرے عہدوں پر بھی فائز رہ چکے ہیں جن میں چیف سلیکٹر، سینئر اور جونیئر ٹیموں کے مینیجر اور سینئر اور جونیئر ٹیموں کے ہیڈ کوچ بھی شامل ہیں۔

واضح رہے کہ کرکٹ مینجمنٹ کمیٹی نے اقتدار میں آنے کے فوراً بعد شاہد آفریدی کو عبوری چیف سلیکٹر کے طور پر نامزد کیا تھا اور نجم سیٹھی چاہتے تھے کہ وہ طویل المدتی بنیادوں پر کام جاری رکھیں لیکن سابق آل راؤنڈر نے یہ کہتے ہوئے انکار کر دیا کہ ان کے فاؤنڈیشن اور فلاحی کاموں کے ساتھ بہت سے وعدے ہیں۔ نجم سیٹھی نے یہ بھی واضح کیا کہ مکی آرتھر سے بات چیت ابھی جاری ہے اور آئندہ دو تین روز میں پاکستان ٹیم کے نئے ہیڈ کوچ کا حتمی اعلان کر دیا جائے گا۔

انھوں نے کہا کہ میں مکی کے ساتھ براہ راست بات چیت کر رہا ہوں اور میرے خیال میں 90 فیصد بات چیت ہوئی ہے۔ ہم نے بہت سے شعبوں کا احاطہ کیا ہے اور بہت جلد ہم آپ کو خوشخبری سنائیں گے۔ اگر مکی آتا ہے تو وہ اپنی ٹیم بنائے گا اور ہم صرف یہ دیکھیں گے کہ ہمیں انہیں کتنی رقم ادا کرنے کی ضرورت ہے اور یہ معاملہ 2-3 دنوں میں حل ہو جائے گا۔ آرتھر 2016 اور 2019 کے درمیان پاکستان کے ہیڈ کوچ بھی رہے اور چیئرمین احسان مانی کی انتظامیہ نے ورلڈ کپ کے بعد ان کے معاہدے میں توسیع نہیں کی تھی۔