ممبئی: بورڈ آف کنٹرول فار کرکٹ ان انڈیا (بی سی سی آئی) نے انڈین پریمیئر لیگ (آئی پی ایل) کے فائنل کے دوران ایک ٹی 20 میچ میں سب سے زیادہ شائقین کی تعداد کا گنیز ورلڈ ریکارڈ بنایا ہے۔Highest T20 attendance
بی سی سی آئی کے سکریٹری جے شاہ نے اتوار کو ٹویٹ کیا، "101566 لوگوں نے 29 مئی 2022 کو گجرات کرکٹ ایسوسی ایشن کے شاندار نریندر مودی اسٹیڈیم میں آئی پی ایل فائنل دیکھ کر ٹی 20 میچ میں سب سے زیادہ شائقین کی حاضری کا گنیز ورلڈ ریکارڈ قائم کیا، جس کے لیے مجھے بے حد خوشی اور فخر ہے۔ اسے ممکن بنانے کے لیے ہمارے مداحوں کا بہت بہت شکریہ۔‘‘
قابل ذکر ہے کہ آئی پی ایل 2022 کا فائنل گجرات ٹائٹنز اور راجستھان رائلز کے درمیان نریندر مودی اسٹیڈیم میں کھیلا گیا، جسے 101,566 لوگوں نے دیکھا۔ گجرات ٹائٹنز نے ہاردک پانڈیا کی کپتانی میں اپنا پہلا خطاب جیتنے کے لئے راجستھان کو سات وکٹوں سے شکست دی تھی۔ (یو این آئی)
