Ind vs SL 1st Test: جڈیجہ اور اشون نے سری لنکا کو تین دنوں میں ہی سمیٹ دیا

بھارتی کرکٹ ٹیم کے سرکردہ آل راؤنڈر رویندر جڈیجہ بہترین کاکردگی کی بدولت سری لنکا کو پہلے ٹیسٹ میچ میں اننگ اور 222 رنز سے شکست دے دی۔ Jadeja and Ashwin Wrap Up Sri Lanka

بھارت اور سری لنکا کے مابین جاری ٹیسٹ سیریز India vs Sri Lanka Test Series کے پہلے ٹیسٹ میچ میں آل راؤنڈر رویندر جڈیجہ کی پہلی اننگ میں 5 اور دوسری اننگ میں 4 وکٹ کی مدد سے بھارت نے سری لنکا کو میچ کے تیسرے دن ہی اننگز اور 222 رن سے شکست دے کر دو میچوں کی سیریز میں 1-0 کی برتری حاصل کرلی۔

• 𝗪𝗛𝗔𝗧. 𝗔. 𝗪𝗜𝗡! 👏 👏@ImRo45 begins his Test captaincy stint with a win as #TeamIndia beat Sri Lanka by an innings & 2⃣2⃣2⃣ runs in the first @Paytm #INDvSL Test in Mohali. 👌 👌
  
  Scorecard ▶️ https://t.co/XaUgOQVg3O pic.twitter.com/P8HkQSgym3

  — BCCI (@BCCI) March 6, 2022 " class="align-text-top noRightClick twitterSection" data="

  𝗪𝗛𝗔𝗧. 𝗔. 𝗪𝗜𝗡! 👏 👏@ImRo45 begins his Test captaincy stint with a win as #TeamIndia beat Sri Lanka by an innings & 2⃣2⃣2⃣ runs in the first @Paytm #INDvSL Test in Mohali. 👌 👌
  
  Scorecard ▶️ https://t.co/XaUgOQVg3O pic.twitter.com/P8HkQSgym3

  — BCCI (@BCCI) March 6, 2022

  ">

  𝗪𝗛𝗔𝗧. 𝗔. 𝗪𝗜𝗡! 👏 👏@ImRo45 begins his Test captaincy stint with a win as #TeamIndia beat Sri Lanka by an innings & 2⃣2⃣2⃣ runs in the first @Paytm #INDvSL Test in Mohali. 👌 👌
  
  Scorecard ▶️ https://t.co/XaUgOQVg3O pic.twitter.com/P8HkQSgym3

  — BCCI (@BCCI) March 6, 2022

پہلے بلے بازی کرتے ہوئے بھارتی ٹیم نے اپنی پہلی اننگز 8 وکٹ کے نقصان پر 574 رنز پر ڈکلیئر کر دی تھی اور پہلی اننگز میں سری لنکا کو 174 رنز پر ڈھیر کر کے فالو آن کروایا اور دوسری اننگز میں اسے 178 رنز پر سمیٹ کر میچ اننگز کے فرق سے جیت لیا۔ تیسرے دن کے کھیل میں سری لنکا نے اپنی 16 وکٹیں گنوائیں۔

بھارت کی جانب سے رویندر جڈیجہ نے پہلی اننگز میں 41 رن پر 5 اور دوسری اننگز میں 46 رن پر 4 وکٹ لئے جبکہ انہوں نے بلے بازی کرتے ہوئے ناٹ آؤٹ 175 رنز بنائے تھے۔ جڈیجہ کو اس بہترین کارکردگی پر پلیئر آف دی میچ کا ایوارڈ ملا اور اس طرح بھارت نے وراٹ کوہلی کے 100ویں ٹیسٹ میں جیت حاصل درج کرکے اسے یادگار بنا دیا

سری لنکا کی دوسری اننگ میں جڈیجہ کے علاوہ آف اسپنر روی چندرن اشون نے 47 رنز دے کر چار وکٹیں حاصل کیں اور کپل دیو (434) کو پیچھے چھوڑ کر بھارت کے دوسرے سب سے زیادہ وکٹ لینے والے گیند باز بن گئے جبکہ تیز گیند باز محمد شامی نے 48 رنز کے عوض دو وکٹیں حاصل کیں۔

بھارت نے اننگز کے لحاظ سے ٹیسٹ کرکٹ میں اپنی پانچویں سب سے بڑی جیت درج کی۔

اس سے قبل سری لنکا کی دوسری اننگز میں اس کے ٹاپ آرڈر نے ایک بار پھر مایوس کیا۔ صرف وکٹ کیپر نیروشن ڈکویلا نے کچھ دیر تک بھارت گیند بازوں کا سامنا کیا اور 81 گیندوں پر نو چوکوں کی مدد سے ناٹ آؤٹ51 رنز بنائے۔ یہ ڈکویلا کی 19ویں نصف سنچری تھی۔ اس کے علاوہ اینجلو میتھیوز نے 28 اور کپتان دموُتھ کرونارتنے 27 رنز بنائے۔ دھننجے ڈی سلوا نے 30 رنز بنائے۔

اس سے پہلے آل راؤنڈر اور بائیں ہاتھ کے اسپنر رویندر جڈیجہ (41 رن پر 5 وکٹ) کی گیند بازی کی مدد سے بھارت نے سری لنکا کو پہلے ٹیسٹ کے تیسرے دن اتوار کو پہلی اننگز میں 174 رن پر سمیٹ کر فالو آن کھیلنے پر مجبور کر دیا تھا۔

سری لنکا نے 108 رنز سے آگے کھیلنا شروع کیا اور باقی چھ وکٹ 66 رنز جوڑ کر گنوا دیں۔ جڈیجہ، جنہوں نے کل ایک وکٹ حاصل کی تھی آج چار وکٹوں کے ساتھ اپنی پانچ وکٹیں مکمل کیں۔

سری لنکا کی پانچویں وکٹ 161 کےاسکور پر گری اور اس کے بعد اس کی باقی پانچ وکٹیں صرف 10 رنز کا اضافہ کر کے گر گئیں۔ جڈیجہ نے چار وکٹیں حاصل کیں جبکہ ایک ایک وکٹ جسپریت بمراہ اور محمد شامی کے حصے میں آئی۔