بھارت کے سابق بلے باز وسیم جعفر نے کہا ہے کہ فارم کے ساتھ جدوجہد کر رہے رشبھ پنت کے لیے بھارت کی بہترین ٹی 20 الیون میں جگہ بنانا مشکل ہے۔ پیر کو ای ایس پی این کرک انفو کی طرف سے جاری کردہ ایک ویڈیو میں جعفر نے کہا، 'میرا خیال ہے کہ دنیش کارتک ٹیم میں آپ کی پہلی پسند ہوں گے۔ سوریہ کمار یادو، وراٹ کوہلی اور رویندر جڈیجہ کے واپس آنے سے، رشبھ پنت کے لیے ٹیم میں جگہ بنانا مشکل ہے۔'
انہوں نے کہا کہ 'یہ اس بات پر منحصر ہے کہ ٹیم انتظامیہ ان سے کیا چاہتی ہے۔ اگر آپ ان کا حوصلہ بڑھانا چاہتے ہیں، اگر وہ رشبھ پنت کو ٹیم میں رکھنا چاہتے ہیں، تو وہ ان کے لیے جگہ بنا لیں گے، لیکن میرے مطابق ایک آئیڈیل ٹیم میں ان کا ہونا مشکل ہے۔ 'روہت شرما، ایشان کشن، وراٹ کوہلی، سوریہ کمار یادو، ہاردک پانڈیا، رویندر جڈیجہ اور دنیش کارتک آپ کے ابتدائی سات بلے باز ہوں گے۔ اگر آپ پنت کو برقرار رکھتے ہیں تو پتہ نہیں کس کو ٹیم سے ڈراپ کیا جائے گا۔ ایک مثالی ٹیم میں ان کے لیے جگہ تلاش کرنا مشکل ہے۔'
واضح رہے کہ پنت کو جنوبی افریقہ کے خلاف گھریلوٹی 20 سیریز میں سینئر کھلاڑیوں کی غیر موجودگی میں ٹیم کی کپتانی سونپی گئی تھی۔ اس سیریز میں پنت کی کارکردگی بہت خراب رہی اور انہوں نے پانچ میچوں میں 105.45 کے اسٹرائیک ریٹ سے 58 رنز بنائے۔ جعفر نے کہا کہ پنت کو اپنی بلے بازی کو بہتر بنانے کے لیے باہر کی گیندوں پر بہتر شاٹس کھیلنے کی ضرورت ہوگی، اور ٹیم کو انہیں پانچویں یا چھٹے پوزیشن پر بیٹنگ کرنی ہوگی۔
یہ بھی پڑھیں: India Captain KL Rahul Ruled Out: راہل اور کلدیپ یادو آؤٹ، رشبھ پنت کپتانی سنبھالیں گے
یو این آئی
