گزشتہ سال کرکٹ کو الوداع کہنے والے سابق بھارتی آل راؤنڈر کھلاڑی عرفان پٹھان کوچ بننے کی تیاری کررہے ہیں۔
انہوں نے حال ہی میں نیشنل کرکٹ اکیڈمی اور بی سی سی آئی کے زیر اہتمام 8 روزہ لیول 2 ہائبرڈ کوچز کورس مکمل کیا ہے۔
جموں و کشمیر رنجی ٹیم کے کوچ رہ چکے عرفان پٹھان نے انسٹاگرام پر ایک پوسٹ شیئر کی اور این سی اے کے سربراہ راہول ڈریوڈ کا شکریہ ادا کیا۔
شائع تصویر میں ان کے علاوہ کئی سابق بھارتی کرکٹرز موجود ہیں جن میں یوسف پٹھان، نمن اوجھا، ابھیشیک نیر، اشوک ڈنڈا، وی آر وی سنگھ اور پرویز رسول شامل ہیں۔
مزید پڑھیں:
عرفان پٹھان نے ٹریننگ کے دوران رہنمائی کرنے والے این سی اے کے سربراہ راہل ڈراوڈ سمیت باقی ممبران کا شکریہ ادا کرتے ہوئے کہا "اپنے مداحوں کے ساتھ یہ بتانے کے لیے پرجوش ہوں کہ میں نے این سی اے، بی سی سی آئی کا لیول 2 ہائبرڈ کورس مکمل کیا ہے۔''
واضح رہے کہ عرفان پٹھان نے 2003-2004 میں آسٹریلیا کے دورے پر انٹرنیشنل میچ سے اپنی شروعات کی تھی اور گزشتہ برس کرکٹ کے تمام فارمیٹس کو الوداع کیا۔
