جے پور: بھارت کے سابق ہیڈ کوچ روی شاستری نے آئی پی ایل میں روی چندرن اشون، یوزویندر چہل اور ایڈم زمپا کی اعلیٰ معیار کی اسپن باؤلنگ کا استعمال کرنے پر راجستھان رائلز کے کپتان سنجو سیمسن کی تعریف کی ہے۔ ممبئی انڈینز سے شکست کے بعد راجستھان رائلز کا مقابلہ جے پور کے سوائی مان سنگھ اسٹیڈیم میں گجرات ٹائٹنز سے ہے۔ دونوں ٹیمیں جو احمد آباد میں آئی پی ایل 2022 کے فائنل میں ٹکرانے والی دونوں ٹیمیں آئی پی ایل 2023 کے پلے آف کی دوڑ میں سب سے آگے چل رہے ہیں۔
سابق کوچ روی شاستری نے سٹار اسپورٹس سے بات چیت میں کہا کہ سنجو سیمسن بطور کپتان میچور ہو چکے ہیں۔ وہ اپنے اسپنرز کو بہت اچھے طریقے سے استعمال کرتا ہے۔ صرف ایک اچھا کپتان ہی تین اسپنرز کے ساتھ کھیل سکتا ہے اور انہیں ہوشیاری سے استعمال کرسکتا ہے۔ ساتھ ہی روی شاستری نے ہاردک پانڈیا کی قیادت میں ٹیم کے توازن اور ایک یونٹ کے طور پر جس طرح سے ٹیم نے کارکردگی کا مظاہرہ کیا ہے، اس کے لیے گجرات کو آئی پی ایل 2023 کی پسندیدہ ٹیم قرار دیا۔ راجستھان کی طرح گجرات ٹائٹنز بھی آخری میچ دہلی کیپٹلس سے پانچ رنز سے ہار چکی ہے۔ انہوں نے کہا کہ موجودہ فارم اور ٹیم کی سٹینڈنگ کو دیکھتے ہوئے انہیں یقین ہے کہ گجرات ایک بار پھر ٹرافی جیتے گا۔ اس ٹیم میں مستقل مزاجی اور لچک ہے اور سات سے آٹھ کھلاڑی ہیں جو مسلسل کارکردگی دکھا رہے ہیں۔ گجرات ٹیم کے کھلاڑی ایک دوسرے کی مدد کرتے ہیں۔
مزید پڑھیں: