موہالی: پنجاب کنگز نے پہلے بلے بازی کرتے ہوئے مقررہ 20 اوورز میں تین وکٹوں کے نقصان پر 214 رنز بنائے اور ممبئی انڈینز کو جیت کے لیے 215 رنز کا ہدف دیا۔ ممبئی انڈینز کے کپتان روہت شرما نے پنجاب کنگز کے خلاف ٹاس جیت کر پہلے بولنگ کا فیصلہ کیا ہے۔ آئی پی ایل میں ممبئی انڈینس کے لیے روہت کا یہ 200 واں میچ ہے۔ ممبئی کی ٹیم میں ایک تبدیلی کی گئی ہے۔ آسٹریلوی فاسٹ باؤلر ریلی میریڈیتھ زخمی ہو گئے۔ اس کی جگہ آکاش کو موقع ملا ہے۔ میتھیو شارٹ اور نیتھن ایلس کی پنجاب ٹیم میں واپسی ہوئی ہے۔ کاگیسو ربادا کو باہر کردیا گیا ہے۔
آئی پی ایل میں اب تک ممبئی انڈینز اور پنجاب کنگز کی ٹیمیں 30 بار آمنے سامنے آ چکی ہیں۔ اس دوران دونوں ٹیموں کا توازن برابر رہا۔ دونوں ٹیمیں ایک دوسرے کے خلاف 15-15 میچ جیت چکی ہیں۔ آئی پی ایل 2023 میں دونوں ٹیمیں اب تک ایک بار ٹکر چکی ہیں۔ اس دوران پنجاب نے ممبئی انڈینز کو13 رنز سے شکست دی ہے۔ آئی پی ایل 2023 کے 44 میچوں کے بعد پنجاب کنگز کی ٹیم اپنے نو میچوں میں پانچ جیت اور چار ہار کے بعد پوائنٹس ٹیبل میں 10 پوائنٹس کے ساتھ چھٹے نمبر پر ہے۔ دوسری طرف، ممبئی کی ٹیم اپنے آٹھ میچوں میں چار جیت اور چار ہار کے بعد آٹھ پوائنٹس کے ساتھ ساتویں نمبر پر ہے۔
ممبئی انڈینز اور پنجاب کنگز کی ٹیمیں اس سیزن میں دوسری بار آمنے سامنے ہوں گی۔ آخری میچ میں جب دونوں ٹیمیں میدان میں آمنے سامنے ہوئیں تو پنجاب نے 13 رنز سے جیت درج کی تھی۔ پچھلی بار مقابلہ ممبئی کے گھر میں تھا۔ جب کہ اس بار یہ مقابلہ پنجاب کے گھر یعنی موہالی میں ہے۔
مزید پڑھیں:
