انڈین پریمیئر لیگ میں اپنی حیرت انگیز کاکردگی کی بدولت ابھی تک ہر کسی کو محظوظ کروانے والی راجستھان رائلز آج رائلز چیلینجرز بنگلور کے خلاف جیت حاصل کرکے پوائنٹس ٹیبل میں ٹاپ پوزیشن حاصل کرنے کی کوشش کرے گی جبکہ رائل چیلینجرز بنگلور کا مقصد بھی پوائنٹس ٹیبل میں برتری حاصل کرنا ہوگا، آئی پی ایل 2022 پوائنٹس ٹیبل میں فی الحال راجستھان رائلز نے 7 میچوں میں 5 جیت کے بعد 10 پوائنٹس کے ساتھ تیسرے نمبر پر ہے جبکہ رائل چلینجرز بنگلور نے 8 میچ کھیلے ہیں جس میں اسے بھی 5 جیت ملی ہے لیکن رن ریٹ اور میچوں کی بنیاد پر وہ پانچویں نمبر پر ہے۔ RCB vs RR IPL Match
راجستھان رائلز (پلیئنگ الیون): سنجو سیمسن(کپتان، وکٹ کیپر)، جوز بٹلر، دیودت پڈیکل، شمرون ہیٹمائر، ریان پراگ، ڈیرل مچل، روی چندرن اشون، ٹرینٹ بولٹ، کلدیپ سین، پرسدھ کرشنا، یُزویندر چہل
رائل چیلنجرز بنگلور (پلیئنگ الیون): فاف ڈو پلیسس (کپتان)، وراٹ کوہلی، گلین میکسویل، سویاش پربھودیسائی، رجت پاٹیدار، شہباز احمد، دنیش کارتک (وکٹ کیپر)، ہرشل پٹیل، وانندو ہسارنگا، جوش ہیزل ووڈ، محمد سراج
رائل چیلنجرز بنگلور اور راجستھان رائلز کے درمیان آج ہونے والے آئی پی ایل میچ میں راجستھان کے جوس بٹلر کو روکنا بنگلور کے سامنے سب سے بڑا چیلنج ہوگا۔ بٹلر اس وقت شاندار فارم میں ہیں اور وہ رواں سیزن اب سب سے زیادہ 491 رنز بنانے والے کھلاڑی ہیں۔ بٹلر نے یہ رن 81.83 کے اوسط اور 161.51 کی اسٹرائیک سے بنائے ہیں ۔ پچھلے آٹھ آئی پی ایل میچوں میں بٹلر کے نام چار سنچریاں ہیں۔ ایم سی اے کے میدان میں بھی ان کا ریکارڈ شاندار رہا ہے۔ بٹلر نے یہاں پانچ ٹی20 میچوں میں 51.66 کے اوسط اور 161.96 کے اسٹرائیک ریٹ سے 155 رنز بنائے ہیں۔
