پنجاب کنگز اور سن رائزرس حیدرآباد کے درمیان آج ہونے والا آئی پی ایل میچ دلچسپ مقابلے کی امید ہے، دونوں ٹیمیں پانچ میں سے تین تین جیت کے ساتھ برابر ہیں۔ تاہم نیٹ رن ریٹ کی بنیاد پر پنجاب تیسرے اور حیدرآباد چھٹے نمبر پر ہے۔ پنجاب کنگز اور سن رائزرز حیدرآباد کے درمیان آئی پی ایل کے اعداد و شمار سن رائزرس کے حق میں ہیں۔ دونوں ٹیموں کے درمیان کھیلے گئے کُل 18 میچوں میں سن رائزرس نے 12 میچ جیتے ہیں۔ اگرچہ ہر میچ نیا ہوتا ہے لیکن ایسی صورتحال میں اتوار کو دونوں ٹیموں کے درمیان ایک دلچسپ میچ کی امید ہے۔ IPL Match Preview
پنجاب کنگز کی اوپننگ جوڑی مینک اگروال اور شکھر دھون کے پاس سن رائزرس کے اسٹرائیک گیند باز بھونیشور کمار کا کوئی توڑ نہیں ہے۔ دونوں بلے بازوں کو بھونیشور کے خلاف جدوجہد کرتے ہوئے دیکھا گیا ہے۔ بھونیشور کی 42 گیندوں پر شیکھر نے 100 سے کم کے اسٹرائیک ریٹ سے رنز بنائے ہیں۔ شکھر نے بھونیشور کے خلاف 98 کے اسٹرائیک ریٹ سے 41 رنز بنائے ہیں۔ یہی نہیں شکھر نے ٹی نٹراجن کی بھی 13 گیندوں پر 115 کے اسٹرائک ریٹ سے رن بنائے ہیں۔ اعداد و شمار گواہی دیتے ہیں کہ ان دونوں گیند بازوں کے خلاف شکھر کے لیے اپنے ہاتھ کھولنے میں مشکلات کا سامنا کرنا پڑتا ہے۔
دوسری جانب پنجاب کنگز کے کپتان اور شکھر کے پارٹنر مینک اگروال کو بھی بھونیشور کے خلاف تیز رفتاری سے رن بنانا مشکل نظر آتا ہے۔ مینک نے آٹھ اننگز میں بھونیشور کی کُل 29 گیندوں کا سامنا کیا ہے جس میں انہوں نے 107 کے اسٹرائیک ریٹ سے 31 رنز بنائے ہیں جبکہ ایک بار بھونیشور نے انہیں آؤٹ بھی کیا ہے۔ ایسے میں اوپننگ جوڑی کو باندھے رکھنے کی ذمہ داری بھونیشور کے کندھوں پر ہوگی۔
