آئی پی ایل14 (2021) کی نیلامی 18 فروری کو ہونا طے ہے۔ ہر بار کی طرح اس بار بھی کولکاتہ نائٹ رائیڈرس ( کے کے آر ) کی ٹیم ایسے کھلاڑیوں کو خریدنے کی کوشش کرے گی جوطویل عرصے سے ٹیم سے وابستہ ہیں۔ کے کے آر نے 7 کھلاڑیوں کوریلیز کیا ہے۔ جب کہ کولکاتہ کے پاس 10.75 کروڑ روپے ہیں۔ اب دیکھنا یہ ہے کہ کے کے آر پرانی ٹیم کے کون کون سے کھلاڑی خریدنے کی کوشش کرتی ہے۔ ویسے اگر کے کے آر بہترین اوپنر کو ٹیم کے ساتھ جوڑنا چاہتی ہیں تو شوبھمن گِل کامیاب افتتاحی جوڑی بناسکتے ہیں۔
کے کے آر کے پاس شوبھمن گِل کی شکل میں ایک عمدہ اوپنر ہیں۔ لیکن ٹیم کو دوسرے اوپنرکے لیے جدوجہد کرنا پڑی۔ پچھلے سیزن میں بھی کے کے آر کو اس پریشانی سے گزرنا پڑا۔ ایسی صورتحال میں کے کے آر نیلامی میں ایک بڑا اوپنر ڈھونڈ سکتی ہے۔ اس معاملے میں کے کے آر آرون فنچ یا ایوین لیوس پر بولی لگاسکتی ہے۔
مڈل آرڈر بیٹسمین میں دنیش کارتک، ایان مورگن اور آندرے رسل جیسے کھلاڑیوں کے باوجود گزشتہ سیزن میں کے کے آر فلاپ ہوئی۔ ایسی نیلامی میں کے کے آر جیمس نیشم جیسے آل راؤنڈر کو خرید سکتی ہے۔ ایسی صورت میں کیرلہ کے نوجوان سوپر اسٹار محمد اظہرالدین کے لیے بھی بولی لگاسکتی ہے۔ واضح رہے کہ محمد اظہرالدین نے سید مشتاق علی ٹرافی میں 194.54 کی اوسط سے 214 رنز بنائے اور زبردست سنچری بھی بنائی ہے۔
