نئی دہلی: سابق بھارتی کرکٹر ہربھجن سنگھ نے کولکاتا نائٹ رائیڈرز (کے کے آر) کے خلاف شاندار سنچری بنانے والے ہیری بروک کی تعریف کرتے ہوئے کہا ہے کہ انگلینڈ کے بلے باز کے پاس طرح طرح کے شاٹس ہوتے ہیں اور وہ کمزور گیندوں کو باؤنڈری لگاتے ہیں۔ آئی پی ایل 2023 میں منگل کی شام کو سن رائزرز حیدرآباد کا اپنے شہر میں ممبئی انڈینز کے خلاف میچ ہے۔ سن رائزرز اپنی اچھی کارکردگی کو جاری رکھنا چاہیں گے۔
کے کے آر کے خلاف اپنی شاندار بلے بازی کے بعد بروک ایک بار پھر سب کی نظروں میں ہیں۔ انگلینڈ کے ابھرتے ہوئے کرکٹر نے پچھلے کھیلوں کی مایوسیوں کو پیچھے چھوڑ دیا اور ٹورنامنٹ کے اپنے چوتھے میچ میں پہلی سنچری اسکور کی۔ ہربھجن نے اسپنرز کے خلاف بروک کی کمزوری کو اجاگر کیا، لیکن ان کا خیال ہے کہ وہ تجربے کے ساتھ بہتر ہو جائیں گے۔
سٹار اسپورٹس شو کرکٹ لائیو میں ہربھجن سنگھ نے کہا کہ بروک تیز گیند بازی کو اچھی طرح سے کھیلتے ہیں۔ اس کے پاس تیز گیند بازوں کے خلاف مختلف قسم کے شاٹس ہیں۔ حالانکہ وہ اسپن کے خلاف زیادہ مضبوط نہیں ہے، لیکن وہ سنگلز اور ڈبلز لے کر اپنی کمزوری چھپاتے ہے۔ جب بھی موقع ملتا ہے شورٹ کھیلنے کی کوشش کرتا ہے۔ اس کے علاوہ اسے دوسرے بلے بازوں کی طرف سے بھی اچھا تعاون مل رہا ہے۔ اس سے انہیں آگے بڑھنے کے لیے کافی اعتماد ملے گا۔
دوسری جانب ممبئی انڈینز نے بھی آئی پی ایل 2023 میں بیک ٹو بیک جیت درج کی اور ٹیم اس رفتار کو آگے بڑھانا چاہے گی۔ سابق بھارتی کرکٹر محمد کیف کا ماننا ہے کہ ممبئی انڈینز نے گزشتہ دو میچوں میں اپنی دبنگ کارکردگی سے دکھا دیا ہے کہ وہ پانچ بار کے چیمپئن کیوں ہیں۔ کیف نے کہا کہ امید ہے کہ ہم سن رائزرس حیدرآباد کے خلاف ممبئی انڈینس کی پرانی تال دیکھیں گے۔ ایم آئی اپنی جارحانہ بلے بازی کے لیے جانا جاتا تھا اور آخری دو میچ اس کا ثبوت ہیں۔
مزید پڑھیں:
