صرف ڈی ولیئرز ہی یہ کام کرسکتے ہیں: وراٹ کوہلی

جیت کے بعد آر سی بی کے کپتان وراٹ کوہلی نے اے بی ڈی ولیئرز کی تعریف کرتے ہوئے کہا کہ 'صرف ڈی ولیئرز ہی یہ کام کرسکتے ہیں۔'

پیر کے روز شارجہ کرکٹ اسٹیڈیم میں کھیلے گئے میچ میں رائل چیلنجرز بنگلور نے کولکاتہ نائٹ رائیڈرز کو 82 رنز سے شکست دی۔ اے بی ڈی ولیئرز نے کولکاتہ نائٹ رائیڈرز کے خلاف 73 رنز کی اننگز کھیلی۔ انہیں 'مین آف دی میچ' کے ایوارڈ سے نوازا گیا۔

جیت کے بعد آر سی بی کے کپتان وراٹ کوہلی نے اے بی ڈی ولیئرز کی تعریف کرتے ہوئے کہا کہ 'صرف ڈی ولیئرز ہی یہ کام کرسکتے ہیں۔'

صرف ڈی ولیئرز ہی یہ کام کرسکتے ہیں: وراٹ کوہلی

کوہلی نے میچ کے بعد کہا کہ 'ٹیم 165-160 رنز کے اسکور کی طرف دیکھ رہی ہے لیکن ڈی ولیئرز کی اننگز کی بدولت ہم 195 رنز کا ہدف دینے میں کامیاب رہے۔'

انہوں نے کہا ' ہمیں لگ رہا تھا کے ٹیم تقریبا 165 رنز بنانے والی ہے، لیکن ہم ڈی ولیئرز کی عمدہ اننگز کے بدولت 195 تک پہنچ گئے۔ میں نے سوچا تھا کہ میں کچھ گیند کھیلنے کے بعد تیز کھیلنا شروع کردوں گا، لیکن ڈی ولیئرز آئے اور تیسری گیند سے ہی تیز کھیلنا شروع کردیا۔ اس کے بعد ڈی ولیئرز نے کہا کہ وہ اچھا محسوس کررہے ہیں۔'

کوہلی نے کہا کہ 'یہ کام صرف ڈی ولیئرز ہی کر سکتے ہیں۔ ہم ان کی اننگز کی بدولت ہی 195 کا ہدف طے کر سکے۔'

ٹیم کی فتح کے بارے میں کوہلی نے کہا 'یہ مضبوط ٹیم کے سامنے شاندار جیت ہے۔ کرس مورس کے آنے سے ٹیم کی گیندبازی مزید مضبوت ہوئی ہے۔ ہم مجموعی طور پر بہت خوش ہیں۔'