دبئی کے شارجہ کرکٹ اسٹیڈیم میں دہلی کیپٹلز اور راجستھان رائلز کے بیچ آئی پی ایل کا 23 واں میچ کھیلا جا رہا ہے۔ دہلی کیپٹلز کی شروعات اچھی نہیں رہی۔ بیچ بیچ میں وکٹ گرتی رہی لیکن پھر بھی دہلی کیپٹلز نے مقررہ 20 اوورز میں 8 وکٹوں کے نقصان پر 184 رنز بنائے۔
دہلی کیپٹلز کا پہلا وکٹ بارہ رن پر اس وقت گرا جب شکھر دھون پانچ رن بنا کر کھیل رہے تھے۔ اس کے بعد 42 رن پر گرا جب پرتھوی شا 19 رن بنا کر کھیل رہے تھے۔ اس طرح سے وقفے وقفے سے دہلی کیپٹلز کے کھلاڑی وکٹ گنواتے رہے لیکن ان کی کوئی بڑی پارٹنرشپ نہیں ہو پائی۔
دوسری طرف راجستھان رائلز کے گیند بازوں نے اچھی گیند بازی کی اور دہلی کیپٹلز کو 184 رن پر ہی روک دیا۔
راجستھان رائلز کے گیند باز جوفرا آرچر نے کافی اچھی گیند بازی کی اور 4 اورز میں تین وکٹ لی اور اس دوران صرف 24 رن ہی دیے۔
اس سے پہلے راجستھان رائلز کے کپتان اسٹیون اسمتھ نے دہلی کیپٹلز کے خلاف آئی پی ایل میچ میں ٹاس جیت کر پہلے بولنگ کرنے کا فیصلہ کیا ہے۔
راجستھان نے اس میچ کے لیے ٹیم میں دو تبدیلیاں کی ہیں۔
راجستھان نے انکت راجپوت اور ٹام کیرن کی جگہ اینڈریو ٹائی اور ورون آرون کو شامل کیا ہے۔ آئی پی ایل میں یہ اینڈریو کا پہلا میچ ہے۔ دہلی نے اس میچ کے لیے ٹیم میں کوئی تبدیلی نہیں کی ہے۔
