کنگز الیون پنجاب کے سرکردہ تیز گیند باز محمد سمیع نے بنگلور کی اننگز کے 18 ویں اوور میں یہ کارنامہ انجام دیا۔ اس اوور کی تیسری گیند پر انہوں نے پہلے ڈی ویلیئرز کو کیچ آؤٹ کیا۔ اس کے بعد پانچویں گیند پر سمیع نے کوہلی کو بھی وکٹ کے پیچھے کیچ کراکر پویلین کی راہ دکھائی۔
اہم بات یہ ہے کہ اس میچ میں پنجاب نے بنگلور کو آٹھ وکٹوں سے شکست دی۔ اس سیزن میں یہ پنجاب کی دوسری جیت ہے۔ یہ بنگلور کی تیسری شکست ہے۔ بنگلور نے اپنے 20 اوورز میں چھ وکٹوں کے نقصان پر 171 رنز بنائے تھے۔ جواب میں پنجاب نے آخری گیند پر ہدف کا تعاقب کیا۔ نکولس پورن نے آخری گیند پر چھکا مارا جس سے اس ٹیم کو اس سیزن میں اپنی دوسری کامیابی ملی۔
یہ بھی پڑھیں: جان سینا کی ایرانی لڑکی سے شادی
جب آخری میچ میں 33 گیندوں پر ناٹ آؤٹ 73 رنز بنانے والے اے بی ڈویلیئرز اور وراٹ کریز پر موجود تھے تو شائقین کی توقعات بڑھ گئی تھیں۔ لیکن محمد سمیع نے ساری امیدیں خاک میں ملا دیں اور وراٹ کوہلی اور ڈی ویلیئرز کو اسی اوور میں پویلین جانا پڑا۔
آر سی بی اننگز کے 18 ویں اور اپنے تیسرے اوور میں سمیع نے ڈویلیئرز کو ہڈا کے ہاتھوں کیچ کرایا جبکہ وراٹ کا کیچ کے ایل راہل نے وکٹ کے پیچھے لیا۔
اس کے ساتھ ہی محمد سمیع ایک ہی اوور میں وراٹ اور ڈی ویلیئرز کو آؤٹ کرتے ہوئے آئی پی ایل کے آٹھویں بولر بن گئے۔ اس سے قبل، جیک کیلس سنہ 2012، دھول کلکرنی سنہ 2013، آشیش نہرا سنہ 2015، کرونل پانڈیا سنہ 2016، تھسارا پریرا سنہ 2016، نتیش رانا سنہ 2018، شریش گوپال سنہ 2019 اور اب محمد سمیع نے سنہ 2020 میں یہ کام انجام دیا ہے۔
