ممبئی انڈینز کی جانب سے روہت شرما اور کوئنٹن ڈی کاک نے اننگ کی شروعات کی۔ ڈی کاک محض ایک رن بنا کر شیوم ماوی کی گیند پر آؤٹ ہو کر جلد ہی پویلین لوٹ گئے اس کے بعد روہت شرما اور سوریہ کمار یادو نے جارحانہ انداز میں بلے بازی کی اور ٹیم کا اسکور آگے بڑھایا۔
ان دونوں بلے بازوں کے مابین 57 گیندوں میں 90 رنز کی پارٹنرشپ ہوئی۔ سوریہ کمار یادو نے 28 گیندوں میں 6 چوکوں اور ایک چھکے کی مدد سے 47 رنز بنائے اور رن آؤٹ ہوگئے۔
اس کے بعد سوربھ تیواری(21 رنز) اور ہاردک پانڈیا(18 رنز) جلدی جلدی آؤٹ ہوگئے، حالانکہ دوسری جانب سے روہے شرما نے اپنی جارحانہ بلے بازی جاری رکھی اور 54 گیندوں میں 3 چوکے اور 6 چھکوں کی مدد سے 80 رنز بنا کر شیوم ماوی کی گیند پر پیٹ کمنز کو کیچ دے بیٹھے۔
کولکاتا کی جانب سے شیوم ماوی نے دو وکٹیں حاصل کیں جبکہ سنیل نرائن اور آندرے رسل نے ایک ایک بلے باز کو آؤٹ کیا۔
