سن رائیزرس حیدر آباد کے کپتان ڈیوڈ وارنر نے ٹاس جیت کر کنگز الیون پنجاب کو بلے بازی کی دعوت دی تھی اور کپتان کے اس فیصلے کو حیدر آباد کے گیند بازوں نے درست قرار دیتے ہوئے پنجاب کو بڑا اسکور بنانے سے روک دیا۔
کنگز الیون پنجاب نے اس میچ میں مینک اگروال کی جگہ مندیپ سنگھ کو ٹیم میں شامل کیا تھا لیکن مندیپ اس موقع کا فائدہ نہیں اٹھا سکے۔ کپتان کے ایل راہل نے مندیپ کے ساتھ اننگ کی شروعات کی لیکن 37 رنز کے مجموعی اسکور پر پنجاب نے مندیپ کا وکٹ کھو دیا۔
اس کے بعد ٹیم کی امیدیں کے ایل راہل اور جارحانہ بلے باز کرس گیل پر تھیں لیکن یہ دونوں بلے باز بھی کچھ خاص کمال نہیں دکھا سکے۔ راہل نے 27 گیندوں میں 27 رنز جبکہ کرس گیل نے 20 گیندوں میں 20 رنز کی سست اننگ کھیلی۔
اس کے بعد گلین میکسویل، دیپک ہُڈا اور کرس جارڈن کا وکٹ جلدی جلدی گنوادیا، تا ہم اس دوران نکولس پورن نے ایک جانب سے اکیلے مزاحمت جاری رکھی اور 32 رنز بنائے۔
سن رائیزرس حیدر آباد کی جانب سے سندیپ شرما، جیسن ہولڈر اور راشد خان نے دو دو وکٹیں حاصل کیں۔
