کولکاتا نائٹ رائیڈرز کو 195 رنز کا ہدف

رائل چیلینجرز بنگلور نے کولکاتا نائٹ رائیڈرز کے خلاف شارجہ میں کھیلے جا رہے میچ میں مقررہ 20 اوورز میں 2 وکٹوں کے نقصان پر 194 رنز بنائے۔

ٹاس جیت کر پہلے بلے بازی کرنے اتری بنگلور ٹیم کی شروعات کافی اچھی رہی، سلامی بلے باز آرون فنچ اور دیودوت پیڈیکل نے پہلے وکٹ کے لیے 67 رنز کی پارٹنرشپ کی۔ پیڈیکل نے 23 گیندوں میں 32 رنز بنائے، انہیں آندرے رسل نے بولڈ آؤٹ کیا جبکہ آرون فنچ نے 37 گیندوں میں 47 رنز بنا کر پرسِدھ کرشنا کا شکار بنے۔

اس کے بعد کپتان وراٹ کوہلی اور اے بی ڈی ویلیئرز نے جارحانہ بلے بازی کرتے ہوئے ٹیم کا اسکور مضبوط کیا۔ ان دونوں بلے بازوں نے 46 گیندوں میں 100 رنز کی پارٹنرشپ کی۔

وراٹ اور اے بی نے تیسرے وکٹ کے لیے 100 رنز کی شراکت کی

اے بی ڈی ویلیئرز نے جارحانہ بلے بازی کرتے ہوئے 33 گیندوں میں 5 چوکوں اور 6 چھکوں کی مدد سے 73 رنز کی اننگ کھیلی جبکہ وراٹ کوہلی نے 33 رنز بنائے۔

اے بی ڈی ویلیئرز نے جارحانہ بلے بازی کرتے ہوئے 33 گیندوں میں 73 رنز بنائے

کولکاتاہ نائٹ رائیڈرز کی جانب سے پرسِدھ کرشنا اور آندرے رسل نے ایک ایک وکٹ حاصل کئے۔