ا اجنکیا رہانے (60) کی ہاف سینچری اور بڑے میچ کے بڑے کھلاڑی شیکھر دھون (54) کی بہترین ہاف سینچری سےدہلی کیپیٹلس نے رائل چیلنجرز بنگلور کو فیصلہ کن آئی پی ایل میچ میں چھ وکٹوں سے ہرا کر پلے آف میں دوسرا پائیدان حاصل کر لیا جبکہ بنگلورو نے ہار کے باوجود بہتر رن ریٹ کی بنیاد پر پلے آف کیلئے کوالیفائی کر لیا ۔
بنگلور کو 20 اوورز میں سات وکٹوں پر 152 رن پر روکنے کے بعد 19 اوور میں چار وکٹوں پر 154 رنز بنا کر دہلی نے جیت حاصل کر لی۔ دہلی کی 14 میچوں میں آٹھویں جیت تھی اور وہ 16 پوائنٹس کے ساتھ دوسرے پائیدان پر پہچ گئی۔ بنگلور کو 14 میچوں میں ساتویں شکست کا سامنا کرنا پڑا لیکن ان کا نیٹ رن ریٹ کولکتہ نائٹ رائڈرس سے بہتر ہو گیا کواور اس نے بھی کوالیفائی بھی کرلیا۔
کولکاتہ کو اپنی امیدوں کے لئے منگل کو سن رائزرس حیدرآباد اور ممبئی انڈینز کے میچوں کے نتائج کا انتظار کرنا ہوگا۔ بنگلور کا رن ریٹ مائنس 0.172 جبکہ کولکاتہ کا رن ریٹ مائنس 0.214 رہا ۔
