دبئی انٹرنیشنل اسٹیڈیم میں ہفتہ کے روز کھیلے گئے آئی پی ایل 13 میچ میں رائل چیلنجرز بنگلور نے چنئی سپر کنگز کو 37 رنز سے شکست دی۔ بنگلور نے پہلے بلے بازی کرتے ہوئے 20 اوورز میں چار وکٹوں کے نقصان پر 169 رنز بنائے۔ وہیں چنئی 20 اوورز میں آٹھ وکٹوں کے نقصان پر 132 رنز ہی بنا سکی۔
کپتان وراٹ کوہلی کی ناٹ آوٹ 90 رنز کی زبردست اننگز کی مدد سے رائل چیلنجرس بنگلور نے چنئی سپر کنگس کو 37 رنز سے شکست دے کر چھ میچوں میں چوتھی جیت درج کی جبکہ چنئی کو سات میچوں میں پانچویں شکست کا سامنا کرنا پڑا۔
مین آف دی میچ وراٹ کی زبردست اننگز کی بدولت بنگلور نے چار وکٹ پر 169 رنز کا قابل دفاع اسکور بنایا اور ہدف کا پیچھا کرنے اتری چنئی کی ٹیم کو آٹھ وکٹ پر 132 رنز پر روک لیا۔
بنگلور اس جیت کے ساتھ چوتھے نمبر پر پہنچ گئی ہے۔
یہ بھی پڑھیں: دلچسپ میچ میں کولکاتا نائٹ رائیڈرز کی فتح
چنئی نے دو وکٹ پر 89 رنز کی بہتر حالت کے بعد 37 رنز کے وقفہ میں چھ وکٹ گنوائے جو اس کی شکست کی سب سے بڑی وجہ رہی۔ واشنگٹن سندر نے دو اور کرس مورس نے تین وکٹ لے کر چنئی کی اننگز کو کمزور کر دیا۔
