حیدرآباد کے راجیو گاندھی انٹر نیشنل کرکٹ اسٹیڈیم میں کھیلے گئے آئی پی ایل میچ میں سن رائزرس حیدرآباد نے چینائی سوپر کنگس کو 6 وکٹ سے شکست دیدی۔
اس جیت کے ساتھ ہی سن رائزرس حیدرآباد آئی پی ایل میں پانچویں مقام پر پہنچ گئی ہے جبکہ چینائی سوپر کنگس اب بھی شائقین میں پسندیدہ ہے۔
ڈیوڈ وارنر نے 50 رنز بنا کر حیدرآباد کو جیت دلانے میں اہم کردار ادا کیا۔ ٹیم کے دوسرے بلے باز کین ولیمز نے صرف تین رنز ہی بنائے اور آؤٹ ہوگئے۔ وجئے شنکر 7 رنز بنا کر طاہر کی گیند پر آؤٹ ہوگئے۔ جبکہ حیدرآباد کو جیت کے لئے صرف 28 رنوں کی ضرورت تھی۔
قبل ازیں چینائی سوپر کنگس نے 20 اوورس میں 5 وکٹ کے نقصان سے 132 رنز بنائے تھے جس کو سن رائزرس حیدرآباد نے بہ آسانی 16.5 اوورس میں 4 وکٹ پر حاصل کرلیا اور 6 وکٹ سے میچ جیت لیا۔
چینائی سوپر کنگس نے ٹاس جیت پہلے بلے بازی کا فیصلہ کیا ، حیدرآباد نے بہترین گیند بازی کا مظاہرہ کیا اور پوری ٹیم کو مقررہ 20 اوورز میں صرف 132 رنز تک ہی محدودم رکھا۔
