آسٹریلیا اور جنوبی افریقہ کے درمیان ٹیسٹ سیریز ملتوی ہوگئی ہے۔ جس کی وجہ سے نیوزی لینڈ کی ٹیم ٹیسٹ چیمپئن شپ کے فائنل میں پہونچ گئی ہے۔ پانچ فروری سے بھارت میں شروع ہونے والی چار ٹیسٹ پر مشتمل انگلینڈ، بھارت سیریز سے دوسری ٹیم کا بھی فیصلہ ہوجائے گا۔ کرکٹ آسٹریلیا نے رواں ماہ جنوبی افریقہ کا دورہ کوویڈ 19 کی وجہ سے ملتوی کر دیا ہے، اس کا کہنا ہے کہ وباء کے باعث دورہ ملتوی کرنے کے سوا کوئی دوسرا آپشن نہیں تھا۔
دوسری جانب آسٹریلیا کے فیصلے پر کرکٹ جنوبی افریقہ نے شدید ناراضی، افسوس اور مایوسی کا ا ظہار کیا ہے۔ ایک جانب اس سیریز کے نہ ہونے سے آئی سی سی چیمپین شپ کے پوائنٹس ٹیبل پر دوسرے نمبر کی ٹیم نیوزی لینڈ فائنل میں پہنچ گئی۔ بھارت کی ابھی تک ٹیبل پر پہلی پوزیشن ہے لیکن اس کو 5 فروری سے انگلینڈ سے ہوم گراؤنڈز پر 4 ٹیسٹ کی سیریز کھیلنی ہے جس کے نتائج سے دوسری فائنلسٹ ٹیم کا بھی فیصلہ ہو جائے گا۔
