بھارتی مرد کرکٹ ٹیم کے نوجوان بلے باز شریس ایر اور رشبھ پنت نے آئی سی سی ٹی۔20 رینکنگ میں زبردست چھلانگ لگائی ہے، جب کہ سوریہ کمار یادو نے دوسرا مقام برقرار رکھا ہے۔ بدھ کو آئی سی سی کی جانب سے جاری کردہ تازہ ترین درجہ بندی کے مطابق شریس ایر ویسٹ انڈیز کے خلاف ٹی ٹوئنٹی سیریز کے پانچویں اور آخری میچ میں نصف سنچری کی بدولت چھ درجہ ترقی کرکے 19ویں نمبر پر آگئے ہیں۔ ICC T20I Rankings
دوسری جانب سیریز کے چوتھے میچ میں 44 رنز بنانے کے بعد پنت سات مقام کے اضافے کے ساتھ 59ویں نمبر کے ٹی ٹوئنٹی بلے باز بن گئے ہیں۔ سری کمار یادو سیریز میں بھارت کی جانب سے 135 رنز کے ساتھ سب سے زیادہ رنز بنانے والے کھلاڑی رہے۔ تاہم پانچویں میچ میں آؤٹ ہونے کی وجہ سے وہ ٹی ٹوئنٹی رینکنگ میں بابر کو پیچھے نہیں چھوڑ سکے اور دوسری پوزیشن پر برقرار رہے۔ ونڈیز کے خلاف ٹی ٹوئنٹی سیریز میں بھی کئی باؤلرز نے عمدہ کارکردگی کا مظاہرہ کرتے ہوئے اپنی رینکنگ بہتر کی۔
بھارت کی جانب سے نوجوان اسپنر روی بشنوئی نے سب سے زیادہ وکٹیں حاصل کیں۔ 21 سالہ بشنوئی نے سیریز میں آٹھ وکٹیں حاصل کیں جس کی وجہ سے وہ 50 درجے کی چھلانگ لگا کر نمبر 44 بولر بن گئے۔ اس کے علاوہ اویش خان (59)، اکسر پٹیل (60) اور کلدیپ یادو (89) نے بھی اپنی رینکنگ میں بہتری لائی ہے، جب کہ تجربہ کار بولر بھونیشور کمار پوری سیریز میں صرف تین وکٹیں لینے کے بعد ایک مقام نیچے نویں نمبر پر آگئے ہیں۔
یہ بھی پڑھیں: ICC Player of the Month: شریس ایر آئی سی سی پلیئر آف دی منتھ منتخب
یو این آئی
