آسٹریلیا کے خلاف برسبین ٹیسٹ محمد سراج کے کرئیر کا تیسرا ہی ٹیسٹ ہے اور انہوں نے 5 وکٹیں لینے کا کارنامہ انجام دیا۔ اس سے قبل گابا اسٹیڈیم پر ای اے ایس پرسنا، بشن سنگھ بیدی، مدن لال اور ظہیر خان نے پانچ وکٹیں حاصل کی تھیں۔
محمد سراج کو تجربی کار گیند باز محمد سمیع کے زخمی ہونے کے بعد آخری 12کھلاڑیوں میں جگہ دی گئی تھی۔ سراج نے سمیع کی کمی پوری کی۔
اس میچ میں بھارتی ٹیم کے اہم گیند باز جسپریت بُمرا کی عدم موجودگی کے بعد سراج پر بھاری ذمہ داری تھی اور انہوں نے اس ذمہ داری کو بخوبی ادا کیا۔
سراج نے میچ کے چوتھے دن 73رنز کے عوض 5 وکٹیں حاصل کیں۔ اس طرح محمد سراج بارڈر۔گواسکر سیریز میں سب سے زیادہ وکٹس لینے والے گیند باز بن گئے ہیں۔
رواں سیریز میں سراج اب تک تین میچوں میں 13 وکٹیں اپنے نام کر چکے ہیں۔ اس سے قبل روی چندرن اشون نے ایک سیریز میں 12 وکٹیں حاصل کی تھیں۔
سراج نے مارنس لیبوشین، میتھو ویڈ، اسٹیو اسمتھ، مچل اسٹارس اور جوش ہیزل ووڈ کو پویلین کی راہ دکھائی۔
