نئے سال کے موقع پر ٹیم انڈیا کے پانچ کھلاڑی (روہت شرما، رشبھ پنت، شبھمن گل، نودیپ سینی اور پرتھوی شا) ایک اِنڈور ریسٹورنٹ میں کھانا کھانے گئے تھے جو کووڈ پروٹوکال کے خلاف ہے۔
اس معاملے کے بعد کرکٹ آسٹریلیا اور بی سی سی آئی نے کی تفتیش پر رضامندی کا اظہار کیا تھا۔
یہ معاملہ منظر عام پر آنے کے بعد ان پانچ بھارتی کھلاڑیوں کو احتیاطاً آئسولیشن میں رکھا گیاتھا۔ تاہم تمام کھلاڑیوں کے کورونا ٹیسٹ منفی ہونے کے بعد ٹیم نے راحت کی سانس لی۔
واضح رہے کہ بھارت اور آسٹریلیا کے مابین چار ٹیسٹ میچوں پر مشتمل سیریز کا تیسرا میچ 7 جنوری سے سڈنی میں ہوگا۔ دونوں ٹیموں کے درمیان سیریز فی الحال 1-1 سے برابر ہے۔
