آسٹریلیا کے شہر سڈنی کے سڈنی کرکٹ گراؤنڈ پر کھیلے جارہے تیسرے ٹیسٹ میچ کے تیسرے دن سنیچر کی بیٹنگ کے دوران بھارتی کرکٹ ٹیم کے آل راؤنڈر رویندر جڈیجہ اور وکٹ کیپر بلے باز رشبھ پنت کی انجری کی وجہ سے تشویش میں اضافہ ہوگیا ہے۔
رویندر جڈیجہ کو جہاں بلے بازی کرتے ہوئے مشیل اسٹارک کا باؤنسر سیدھا ان کے انگوٹھے پر لگا، وہیں رشبھ پنت کو بھی پیٹ کمنس کی گیند سیدھے ان کے بائیں ہاتھ کی کہنی میں جالگی جس کے بعد وہ بھی شدید درد میں مبتلا نظر آئے۔
حالانکہ درد محسوس ہونے کے بعد انہوں نے ڈاکٹرس کی مدد لی، جس پر اسپرے اور بینڈیج کے بعد اپنی بیٹنگ مکمل کی لیکن اونچی گیندوں کی وجہ سے ان کی توجہ متاثر ہوئی اور اس کے فوری بعد ہی وہ آؤٹ ہوگئے۔ جس پر اندازہ لگایا جاسکتا ہے کہ وہ اگلے میچ میں کھیل پاتے ہیں یا نہیں۔ اگر اس طرح ہوتا ہے تو بھارت کی مشکلوں میں اور بھی اضافہ ہوگا کیوں کہ دیگر کھلاڑی پہلے ہی زخمی ہونے کے سبب میچز سے دور ہیں۔
