لکھنؤ: بھارت اور جنوبی افریقہ کے درمیان 6 اکتوبر کو لکھنؤ میں کھیلے جانے والے پہلے ایک روزہ مقابلے کے لئے ٹکٹوں کی فروخت ہفتہ سے ایکانا اسٹیڈیم میں شروع ہوگی۔ اتر پردیش کرکٹ ایسوسی ایشن (یوپی سی اے) کے چیف ایگزیکٹو آفیسر (سی ای او) انکت چٹرجی نے جمعہ کو کہا کہ اٹل بہاری واجپائی ایکانا اسٹیڈیم میں بھارت اور جنوبی افریقہ کے درمیان پہلا یک روزہ میچ 6 اکتوبر کو کھیلا جائے گا، جس کے لیے پے ٹی ایم کے ذریعے ٹکٹوں کی آن لائن فروخت جاری ہے۔ India vs South Africa ODI match in Lucknow
یہ بھی پڑھیں: Men's T20 World Cup بھارت پاکستان میچ کے تمام ٹکٹ فروخت
انہوں نے کہا کہ شائقین کی سہولت کے لیے یکم اکتوبر سے ایکانہ اسٹیڈیم کے گیٹ نمبر 2 کے قریب ٹکٹ ونڈو پر ٹکٹ فروخت کیے جائیں گے۔ انہوں نے بتایا کہ ڈے نائٹ میچ دوپہر 1:30 بجے شروع ہوگا جس کے لیے شائقین کی انٹری صبح 10:30 بجے شروع ہوگی۔ گاڑیوں کے لیے تین پارکنگ لاٹس بنائے گئے ہیں جہاں سے شائقین کو اسٹیڈیم کے گیٹ تک لے جانے کے لیے خصوصی گاڑیوں کا انتظام کیا گیا ہے۔
یو این آئی
