دبئی:کپتان ہرمن پریت کور کو ڈھاکہ میں بھارت اور بنگلہ دیش کے درمیان تیسرے ون ڈے کے دوران پیش آنے والے واقعہ کے لیے معطل کر دیا گیا ہے۔ پہلا واقعہ اس وقت ہوا جب ہرمن پریت نے اسپنر ناہیدہ اختر کی سلپ میں کیچ آؤٹ ہونے کے بعد اپنے بلے سے وکٹوں کو مار کر مایوسی کا اظہار کیا۔ اسے پویلین لوٹنے سے پہلے امپائر سے چند الفاظ بھی کہے۔
ہرمن پریت کو دوسرے درجے کے ضابطہ اخلاق کی خلاف ورزی پر اس کی میچ فیس کا 50 فیصد جرمانہ عائد کیا گیا اور اس کے تادیبی ریکارڈ میں تین ڈی میرٹ پوائنٹس شامل کیے گئے۔
دوسرا واقعہ اس وقت پیش آیا جب میچ ٹائی ہونے کے بعد پریزنٹیشن تقریب میں ہرمن پریت 'ناقص امپائرنگ' پر تلخ تنقید کی۔ ہرمن پریت کو "ایک بین الاقوامی میچ میں ایک واقعہ کے سلسلے میں عوامی تنقید" سے متعلق لیول-1 کے جرم کے لیے اس کی میچ فیس کا 25 فیصد جرمانہ عائد کیا گیا۔
ہرمن پریت نے اعتراف جرم کیا اور آئی سی سی میچ ریفری اختر احمد کی تجویز کردہ پابندیوں سے اتفاق کیا۔ نتیجے کے طور پر باقاعدہ سماعت کی ضرورت نہیں تھی اور جرمانہ فوری طور پر نافذ کیا گیا۔
یہ بھی پڑھیں:India vs West Indies بارش کی وجہ سے بھارت اور ویسٹ انڈیز کے درمیان دوسرا ٹیسٹ ڈرا
ان چار ڈیمیرٹ پوائنٹس کو دو معطلی پوائنٹس میں تبدیل کرتے ہوئے ہرمن پریت کو دو محدود اوورز کے میچوں سے معطل کر دیا گیا۔ ہندوستان کی اگلی مہم چین کے شہر ہانگزو میں ہونے والے ایشین گیمز ہیں۔ آئی سی سی رینکنگ کی بنیاد پر بھارت کو کوارٹر فائنل میں براہ راست جگہ مل گئی ہے، اس لیے ہرمن پریت کوارٹر فائنل اور سیمی فائنل میں شرکت نہیں کر سکیں گی۔
یو این آئی
