حیدرآباد: ٹیم انڈیا نے یک روزہ میچ میں سب سے بڑی جیت (رن کے حساب سے) کا ریکارڈ توڑ دیا کیونکہ اس نے سری لنکا کو تریواننت پورم میں سیریز کے تیسرے اور آخری میچ میں 317 رنز سے شکست دے دی ہے۔ بھارت نے گرین فیلڈ اسٹیڈیم میں بنائے گئے نیوزی لینڈ کے ریکارڈ کو ٹوڑ دیا ہے۔ نیوزی لینڈ نے آئرلینڈ کے خلاف 290 رنز کی ریکارڈ جیت درج کی تھی۔ٹاس جیتنے کے بعد پہلے بلے بازی کا انتخاب کرتے ہوئے بھارت نے پچاس اوورز میں 390/5 کا بڑا اسکور بنایا تھا وہیں ہدف کا تعاقب کرتے ہوئے سری لنکا محض 22 اوورز میں صرف 73 تک ہی بنا سکی۔
میچ اور سیریز میں شاندرا کارکردگی کا مظاہرہ کرنے والے وراٹ کوہلی کو مین آد میچ اور مین آف دی سیریز کا ایوارڈ دیا گیا۔ اس تیسرے اور آخری میچ میں محمد سراج نے چار، کلدیپ نے دو اور سمیع نے دو وکٹ حاصل کیا۔ سری لنکا کی طرف سے نووینڈو فرنینڈو نے سب سے زیادہ 19 رنز بنائے اور پھر راجیتھا نے 13 رنز بنائے۔
یک روزہ میچ میں رنز کے لحاظ سے سب سے بڑی جیت کی فہرست یہ ہے:
- 317 – بھارت بمقابلہ سری لنکا، 2023
- 290 – نیوزی لینڈ بمقابلہ آئرلینڈ، 2008
- 275 – آسٹریلیا بمقابلہ افغانستان، 2015
- 272- جنوبی افریقہ بمقابلہ زمبابوے، 2010
- 257 – بھارت بمقابلہ برموڈا، 2007
ٹاس جیتنے کے بعد کپتان روہت (49) اور شبمن گل نے بہترین پچ پر 95 رنز جوڑ کر اچھی شروعات کی۔ اس کے بعد ویراٹ کوہلی نے سیریز کے تیسرے اور آخری ون ڈے میں ناقابل یقین کارکردگی کا مظاہرہ کیا، کیونکہ انہوں نے صرف 110 گیندوں پر ناقابل شکست 166 رنز بنائے، جس میں انھوں نے 13 چوکے اور آٹھ چھکے لگائے۔ نوجوان بھارتی سلامی بلے باز شبھمن گل نے بھی صرف 97 گیندوں پر شاندار 116 رنز بنائے تھے اور انہوں نے کوہلی کے ساتھ 131 رنز کی شاندار شراکت قائم کی۔
گِل کے آؤٹ ہونے کے بعد، کوہلی نے جارحانہ انداز اپنایا اور اس نے 106 گیندوں پر 150 رنز بنائے۔ درحقیقت، کوہلی 40ویں اوور کے اختتام پر 82 رنز پر بیٹنگ کر رہے تھے اس وقت وہ 76 گیندیں کھیل چکے تھے۔ اگلے 10 اوورز میں بھارتی بلے باز نے محض 34 گیندوں میں 86 رنز بنائے۔ جس کی وجہ سے بھارت نے سری لنکا کے سامنے جیت کے لیے 391 رنز کا بڑا ہدف دیا۔
