India vs Australia 2nd ODI آسٹریلیا کو دوسرے ون ڈے میں بھی شکست، میزبان کو سیریز میں ناقابل تسخیر برتری حاصل

بھارت نے اتوار کو اندور میں کھیلے گئے دوسرے ون ڈے کرکٹ میچ میں آسٹریلیا کو ڈک ورتھ لوئس طریقہ کے ذریعے 99 رنز سے شکست دے کر تین میچوں کی سیریز میں 2-0 کی ناقابل تسخیر سبقت حاصل کر لی ہے۔ سیریز کا تیسرا اور آخری میچ 27 ستمبر کو کھیلا جائے گا۔

اندور: بھارت نے اتوار کو اندور کے ہولکر کرکٹ اسٹیڈیم میں آسٹریلیا کو دوسرے ون ڈے میچ میں 99 رنز سے شکست دے کر تین میچوں کی سیریز میں 2-0 کی ناقابل تسخیر سبقت حاصل کر لی ہے۔ بارش کی وجہ سے میچ کو کچھ دیر کے لیے روک دیا گیا تھا جس کے بعد ڈک ورتھ لوئس کے مطابق آسٹریلیا کو 33 اوورز میں 317 رنز کا مشکل ہدف دیا گیا۔ لیکن آسٹریلیا کی پوری ٹیم شان ایبٹ اور ڈیوڈ وارنر کی نصف سنچری کے باوجود 28.2 میں 217 رنز ہی بنانے میں کامیاب رہی۔ بھارت کی جانب سے جڈیجہ اور اشون نے تین تین وکٹ حاصل کیے جبکہ شامی کو ایک اور کرشنا کو دو وکٹ ملے، ایک وکٹ کیمرون گرین رن آوٹ ہوگئے تھے۔

• A thorough all-round performance 👊
  
  India take an unassailable 2-0 series lead against Australia with a big win in Indore 👏
  
  📝 #INDvAUS: https://t.co/pO3kSaXW6C pic.twitter.com/MlSxsRVvxN

  — ICC (@ICC) September 24, 2023 " class="align-text-top noRightClick twitterSection" data="

  A thorough all-round performance 👊
  
  India take an unassailable 2-0 series lead against Australia with a big win in Indore 👏
  
  📝 #INDvAUS: https://t.co/pO3kSaXW6C pic.twitter.com/MlSxsRVvxN

  — ICC (@ICC) September 24, 2023

  ">

  A thorough all-round performance 👊
  
  India take an unassailable 2-0 series lead against Australia with a big win in Indore 👏
  
  📝 #INDvAUS: https://t.co/pO3kSaXW6C pic.twitter.com/MlSxsRVvxN

  — ICC (@ICC) September 24, 2023

اس سے پہلے شریاس ایر اور شبھمن گل کی سنچریوں اور آخری اووروں میں سوریہ کمار یادو کی طوفانی نصف سنچری کی بدولت بھارت نے تین ون ڈے میچوں کی سیریز کے دوسرے میچ میں پانچ وکٹوں کے نقصان پر 399 رن بنائے تھے۔ شریاش ائیر نے شروع سے ہی شاندار شاٹس لگائے اور اپنے ساتھی گل کے ساتھ دوسری وکٹ کے لیے 200 رن کی شراکت داری قائم کی اور آسٹریلیا کے ناتجربہ کار بولنگ اٹیک کو تہس نہس کردیا۔

گل نے 97 گیندوں میں چھ چوکوں اور چار چھکوں کی مدد سے 104 رن بنائے اور ائیر نے 90 گیندوں میں 11 چوکوں اور تین چھکوں کی مدد سے 105 رن بنائے۔ ایشان کشن نے 18 گیندوں میں دو چوکوں اور دو چھکوں کی مدد سے 31 رن بنائے اور وہ زیمپا کی گیند پر کیری کے ہاتھوں آؤٹ ہوئے۔ اس کے بعد بیٹنگ کے لیے آئے سوریہ کمار نے 37 گیندوں میں ناٹ آوٹ 72 رن بنا کر آسٹریلیا کی بولنگ کی کمر توڑ دی۔ انہوں نے اپنی بیٹنگ پرفارمنس سے شائقین کو خوب محظوظ کیا۔ انہوں نے کیمرون گرین کے ایک اوور میں مسلسل چار چھکے لگا کر آسٹریلیا کو دباؤ میں ڈال دیا۔ رویندر جدیجا 13 رن بناکر ناٹ آؤٹ رہے۔ آسٹریلیا کی جانب سے کیمرون گرین نے دو جبکہ جوش ہیزل ووڈ، شان ایبٹ اور ایڈم زمپا نے ایک ایک وکٹ حاصل کی۔